«Jaded» er ein song av det amerikanske hardrockbandet Aerosmith. Han vart skriven av vokalisten Steven Tyler og låtskrivarkollegaen Marti Frederiksen. Songen vart gjeven ut som første singel frå det 13. studioalbumet til bandet, Just Push Play (2001). Songen fekk den offentlege debuten sin på American Music Awards og vart òg spelt på pauseshowet til Super Bowl XXXV i januar 2001. Han vart rangert som nr. 86 på VH1 si liste over dei 100 beste songane frå 2000-åra.
«Jaded» skulle bli den siste hitten til Aerosmith i dei fleste territorium. Han nådde toppen av både den amerikanske Billboard Mainstream Rock- og UK Rock Chart, medan han nådde topp 10 på Billboard Hot 100 og i Canada og Skottland. På UK Singles Chart nådde songen 13. plassen og vart den åttande topp 20-singlen til bandet på den lista. Han er per no den siste topp 40-hitten deira i Storbritannia. «Jaded» nådde i tillegg topp 20 i Italia, Nederland og Spania. I 2002 vart han nominert til ein Grammy Award for beste rockesong av ein duo eller gruppe med vokal.
Tekst og musikk Tyler vart inspirert til å skriva songen basert på at han gjekk glipp av store delar av barndomen til dottera Liv Tyler medan han var på turné med bandet sitt. Teksten til songen handlar om ei jente som er «jaded» (‘utbrent’), og korleis forholdet forteljaren har til jenta nokre gonger er «komplisert», men hevdar at «I'm the one that jaded you.» Tyler uttalte at «Då eg kom på melodien til ‘Jaded’, var han så fenomenal at eg ei stund var redd for å gjera litt meir med han. Eg fortalde det ikkje eingong til bandet.»
Singelomslag Omslaget til singelen var noko kontroversiell, med ei naken kvinne som held eit eple på coveret. Modellen på coveret er Nicole West.
Musikkvideo Videoen til «Jaded» viser Aerosmith opptre i lobbyen til Los Angeles Theater, og klipp av ein jenta som er «jaded» (skodespelaren Mila Kunis). Songen fortel ei historie om ei jente som har mista evna til å kjenna fordi ho har mista kontakten med røyndommen.
Los Angeles Theater er eit filmpalass i sentrum av Los Angeles og er ekstravagant utforma i fransk rokokkostil. Videoen viser òg ballsalen/loungen, trappeavsatsen på veg til ballsalen, auditoriet og mellomgangen. I korridoren blir det brukt anten ein spegel eller spesialeffektar for å mangedobla dørene og få korridoren til å verka endelaus.
Det finst to versjonar av videoen, mykje av opptaka er dei same, sjølv om dei blir brukte på litt ulike stader, og nokre bilete har alternative vinklar. I den første versjonen har opningsbiletet ei rask innzooming på scena, Steven Tyler bles inn i kameraet, og han blir vist når musikken startar i mellomspelet i skogen. I den andre versjonen har opningsbiletet ein langsam zoom på scena, ein hestestatue bles inn i kameraet, og Tyler blir ikkje vist når musikken startar i skogsmellomspelet.
Videoen hadde premiere på MTV 13. februar 2001, og vart regissert av Francis Lawrence. Videoen vart kåra til årets beste hardrockvideo ved Billboard Music Video Awards, og årets video ved Boston Music Awards.
Innhald
Salslister
Vekeslister +Vekesliste for «Jaded»Liste (2001)PlasseringAustralia (ARIA)51Canada (Nielsen SoundScan)6Europa (Eurochart Hot 100)31
Årslister +Årsliste for «Jaded»Liste (2001)PlasseringCanada (Nielsen SoundScan)56Canada Radio (Nielsen BDS)10US Billboard Hot 10047
Salstrofé
Kjelder
Denne artikkelen bygger på «Jaded (Aerosmith song)» frå , den 16. mai 2023. oppgav desse kjeldene:
Kategori:Songar frå 2000 Kategori:Singlar frå 2001 Kategori:Aerosmith-songar Kategori:USA-amerikanske alternative rockesongar Kategori:USA-amerikanske poprocksongar Kategori:Columbia Records-singlar Kategori:Musikkvideoar regisserte av Francis Lawrence Kategori:Songar skrivne av Marti Frederiksen Kategori:Songar skrivne av Steven Tyler