Dovrestjerneblom eller snøstjerneblom (Stellaria longipes) er ein planteart i nellikfamilien. Han har sirkumpolar utbreiing, og finst overalt i dei nordlegaste breiddegradene på den nordlege halvkula. Planten er ein fleirårig urt som veks i mange ulike habitattypar, som tundra og taiga og i mange sørlegare område med subalpine og alpine klima. Planten har svært vekslande morfologi, og forma kan koma både av ulikt arvemateriale og miljøtilhøve.Flora of North America: ssp. longipes Han kan ha eit svært varierande tal kromosom.Flora of North America: ssp. longipes Vanlegvis er planten ein fleirårig urt med jordstenglar som dannar matter eller klumpar, eller veks opprett. Stilkane kan vera korte og enkle eller utbreiande og svært forgreina. Dei linje- til lanseforma blada er vanlegvis 1 til 4 centimeter lange og er vanlegvis motstilte i par. Blomestanden har ein eller fleire blomar som kvar sit på ein kort stilk. Blomen har fem spisse greine begerblad som kvart er nokre millimeter lange. Han har fem kvite kronblad som kvart er d elt inn i to flikar, av og til grunt delt, men ofte så djupt at det ser ut som to kronblad. Arten har gynodiøci, det vil seia at nokre blomar har både mannlege og kvinnelege reproduktive delar, medan andre berre har kvinnelege.Dang, T. and C. Chinnappa. (2007). The reproductive biology of Stellaria longipes Goldie (Caryophyllaceae) in North America. Flora - Morphology, Distribution, Functional Ecology of Plants 202:5 403-7
Det finst to underartar. Den mest uvanleg av dei to, S. l. arenicola, finst berre i sanddynene ved Athabascasjøen i sentrale Canada.Flora of North America: ssp. arenicola
Kjelder
Denne artikkelen bygger på «Stellaria longipes» frå , den 18. juni 2023.
Bakgrunnsstoff
Jepson Manual Treatment: var. longipes Flora of North America Photo gallery
Kategori:Plantar i Canada Kategori:Plantar i Noreg Kategori:Nellikfamilien