Fukuoka er ein storby i Japan, hovudstad i eit prefektur med namn etter byen. Fri gjenbruk. Byen ligg ved Hakatabukta på nordvestkysten av Kyushu-øya og har 1 639 832 ibuarar (2023). I storbyomrpådet kring Fukuoka bur det 5,11 millionar menneske.
Fukuoka er den største byen på Kyushu og den femte mest folkerike i Japan. Nest etter Yokohama er han den største hamnebyen i landet, der det vert utskipa kol, maskinar, porselen, papirvarer, trevarer og mjøl. Næringslivet i byen omfattar kjemisk, grafisk, elektronisk, næringsmiddel-, tekstil-, papir-, bomulls- og metallindustri. Fukuoka er elles eit regionalt kultur- og handelssenter med universitet, fleire høgskular, museum og kulturattraksjonar.
I bydelen Hakata er ei internasjonal lufthamn, jarnbanestasjon med høghastigheitstog og hamn for hydrofoilbåt som går til Busan i Sør-Korea.
Kjelder
Bakgrunnsstoff
Kategori:Byar i Japan