Hans Jørgen Lysglimt Johansen () er ein norsk siviløkonom og politisk aktivist som er leiar for det nasjonalkonservative partiet Alliansen – Alternativ for Norge.
Johansen blei kjend i norske massemedium som tilhengjar av den republikanske kandidaten Donald Trump under den amerikanske presidentvalkampen 2016. Seinare har han fått merksemd for fleire utsegner som er blitt stempla som rasistiske, deriblant holocaustfornekting. I tillegg har Johansen gitt uttrykk for haldningar som er knytta til nynazistisk tankegods, blant anna ved å lovprise manifestet til Anders Behring Breivik, apartheidlovene i Sør-Afrika, den tyske dolkestøytlegenda og ideen om «den ariske rase».
Bakgrunn Johansen er fødd i Fredrikstad. Han har økonomisk utdanning frå Lunds universitet i Sverige der han studerte frå 1990 til 1996. Deretter arbeidde han i gruveindustrien på Filippinane fram til 1997. Frå 2000 til 2003 var Lysglimt Johansen leiar for Fridemokratane, ein partipolitisk uavhengig, liberalistisk organisasjon som blei danna etter Bolkesjø-prosessen i Framstegspartiet i 1994. (Artikkelen oppgir feilaktig at Johansen skal ha vært redaktør i ukemagasinet Farmand. Tidsskriftet ble nedlagt i 1989, da han var 17 år gammel.)
Politisk arbeid I november 2016 skipa Johansen Alliansen – Noreg ut av EØS, eit nasjonalkonservativt, høgreradikalt og populistisk parti som han er omtala som partileiar for. Partiet stilte lister i alle fylke ved stortingsvalet i 2017, men Johansen sjølv er einaste medlem.Dagsavisen 18. desember 2018: Får 1,2 millioner i statsstøtte
I februar 2021 blei partiet offisielt ført opp i Partiregisteret under namnet «Alliansen – Alternativ for Noreg» etter å ha samla over 5000 underskrifter. Personar som samla inn underskrifter, fekk utbetalt 30 til 45 kroner per underskrift som løn for innsatsen sin. Sidan partiet fekk over røyster ved 2017-valet, kunne det også motta ein offentleg stønad på 1,2 millionar kroner. Av desse blei øyremerkte for ei ny røysteinnsamling i forkant av neste val.
Kontroversielle utsegner I desember 2018 fekk Johansen kritikk frå blant andre Jan Simonsen og Hege Storhaug for fleire Twitter-meldingar der han fornekta at holocaust fann stad, dei tyske nazistane si masseutrydding av jødar og andre etniske grupper under den andre verdskrigen. Den 18. desember 2018 melde Dagsavisen at Oslopolitiet skulle la hatkriminalitetsgruppa vurdere om meldingane var straffbare etter rasismeparagrafen (§ 185 i straffelova av 2005).
Partiet Alliansen er kritisert for å støtte nazistar. Den nasjonalsosialistiske organisasjonen Den nordiske motstandsrørsla (DNM) har hylla Johansen for å ha kome med «en rekke sunne uttalelser i forhold til homolobbyen, masseinnvandring og jødisk makt». I eit intervju med Dagbladet uttalte Johansen at det var sannsynleg at medlemmane i organisasjonen i nokon grad overlappa og at han ikkje hadde noko problem med det, men at han utover å oppleve Den nordiske motstandsrørsla som for sinte, ikkje sjølv hadde noko forhold til dei. Men i mai 2021 fortalde han til Filter Nyheter at han hadde ført opp medlemmar av DNM og andre nynazistar på vallista til partiet til Stortingsvalet same året.
På meldingstenestene Telegram og Discord har Johansen samla yngre høgreekstreme ved hjelp av mem og rasistisk humor, delvis lånt frå den amerikanske alt-right-rørsla.
Kjelder
Denne artikkelen bygger på «Hans Jørgen Lysglimt Johansen» frå , den 13. oktober 2023.
Bakgrunnsstoff
Kategori:Norske partileiarar Kategori:Norske aktivistar Kategori:Norske siviløkonomar Kategori:Norske vaksinemotstandarar Kategori:Antisemittisme i Noreg Kategori:Rasisme i Noreg