Lou Yun () er ein kinesisk tidlegare turnar frå Hangzhou, som i 1995 utvandra til USA og har arbeidd som forretningsmann. Han vart olympisk meister i hopp både ved Sommar-OL 1984 og Sommar-OL 1988, verdsmeister i skranke og i lagtevlinga i 1983, samt i frittståande og hopp i 1987.
Lou deltok i Turn-VM 1983 i Budapest der han vann gullmedaljar i skranke-øvinga og i lagtevlinga, samt bronse i mangekampen. Året etter tok han gullmedaljen i hopp ved Sommar-OL 1984 i Los Angeles, framfor fire utøvarar som delte andreplassen. Elles i leikane fekk Lou sølv i frittståande og i lagtevlinga. Frå Turn-VM 1985 i Montreal reiste han med to sølvmedaljar, den eine oppnådd i spesialøvinga hopp og den andre i lagtevlinga. Under verdsmeisterskapen 1987 i Rotterdam sikra han seg to gullmedaljar. Han var då bestemann i frittståande og hopp, og for tredje gong i rad vann han ein sølvmedalje med Kina sitt mannskap i lagkamp. I dei olympiske sommarleikane i Seoul forsvarte han meistertittelen i hopp-øvinga, og han kom bronseplass i frittståande.
Element i øvingane frittståande og hopp er kalla opp etter Lou Yun. Han slutta som aktiv i 1990.
Kjelder
Denne artikkelen bygger på «Lou Yun» frå , den 28. oktober 2023.
Kategori:Kinesiske turnarar Kategori:Verdsmeistrar i turn Kategori:Olympiske meistrar for Kina Kategori:Olympiske sølvmedaljevinnarar for Kina Kategori:Olympiske bronsemedaljevinnarar for Kina Kategori:Medaljevinnarar under sommar-OL 1984 Kategori:Kinesiske deltakarar under sommar-OL 1984 Kategori:Gymnastar under sommar-OL 1984 Kategori:Medaljevinnarar under sommar-OL 1988 Kategori:Kinesiske deltakarar under sommar-OL 1988 Kategori:Gymnastar under sommar-OL 1988