Reidar Jentoft Nilsen () var ein norsk fiskar som var leiar for Norges Fiskarlag 2001–2013 og lokalpolitikar for Arbeidarpartiet frå Hasvik i Finnmark.
Reidar Nilsen voks opp i Hasvik på Sørøya og drog til sjøs alt som 14-åring med skuleskipet «Gann». Han var utdanna styrmann frå Sjømannskolen i Tromsø og reiste i utanriksfart til han i 1970 vart skipper på eigen reketrålar. Han var leiar av Norges Fiskarlag frå 2001 til 2013. Nilsen var styremedlem i Finnmark Fiskarlag i ti år og formann i seks år. Han var også lokalpolitikar og medlem av Hasvik kommunestyre i fem periodar. Nilsen var leiar av pensjonistforeininga i Hasvik og var styremedlem i det lokale samfunnshuset.
Reidar Nilsen omkom i eit forlis på Finnmarkskysten søndag 9 januar 2022, saman med sonen Remi Nilsen. Dei var på veg frå Hasvik til Tanafjorden då fiskebåten deira «Peik» forliste utanfor Gamvik i Finnmark.
Nilsen vart utnemnd til æresmedlem av Norges Fiskarlag i 2015.
Fotnotar
Denne artikkelen bygger på «Reidar Nilsen (1947)» frå , den 28. desember 2023.
Kategori:Folk frå Hasvik Kategori:Norske fiskarar Kategori:Norges Fiskarlag Kategori:Norske foreiningsfolk