Satansopp (Rubroboletus satanas) er ein art i slekta Rubroboletus. Soppen er giftig, og kan gje kraftige sjukdomssymptom. Unge soppar som ikkje har den karakteristiske raude stilken kan forvekslast med etande soppar av slekta Boletus, som denne soppen tidlegare var rekna for å tilhøyra.
Det finst ikkje dokumenterte funn av soppen i Noreg, men ein har funne han i Sverige,Lotta Sandhammar, Unikt fynd av giftig svamp i Uppsala på svt.se, 21 september 2018. sørvest i Finland og i Danmark.Djävulssopp på Artdatabanken.
Kjenneteikn Satansopp har halvkuleforma hatt som blir inntil 25 cm i diameter. Hatten er lysegrå til gulgrå, seinare lysebrun. Overflata på hatten er matt og tørr. Røyra er gule, med oransje til karminraude porer som blånar ved trykk. Stilken er gulaktig, seinare karminraud i midten og har gult årenett øvst. Kjøtet er gulkvitt og blånar sakte ved overskjering. Soppen luktar av urin som ung og seinare av rote.Side 28, Sigmund Sivertsen: Sopp, Enkel Og Sikker Artsbestemmelse, oversatt av Jan Gausemel, Cappelen, 2005
Soppen dannar sopprot i lag med varmekjære lauvtre, som eik og bøk. Han er særleg å finna på kalkrikt jordsmonn.
Kjelder
Denne artikkelen bygger på «Satansopp» frå , den 9. februar 2024.
Bakgrunnsstoff
Kategori:Sopp i Europa Kategori:Giftige soppar Kategori:Soppartar Kategori:Røyrsoppar