Monika Linkytė () er ein litauisk songar og låtskrivar. Ho representerte Litauen i Eurovision Song Contest 2015 saman med , og ho representerte Litauen i artisttevlinga New Wave 2014 og var finalist i sesong to av litauiske The Voice. Ho representerte Litauen på nytt i Eurovision Song Contest 2023 med songen «Stay».
Bakgrunn Linkytė blei fødd 3. juni 1992 i byen Gargždai, heilt vest i Litauen. Etter vidaregåande flytta ho til hovudstaden Vilnius for å ta helsestudium ved Vilnius universitet. Ho slutta etter tre semester og byrja i 2014 på jusstudium ved same universitet. I 2016 flytta ho til London for å studere musikk ved British and Irish Modern Music Institute.
Karriere Som 15-åring i 2007 deltok Linkytė i den litauiske uttakinga til Junior Eurovision Song Contest 2007. Ho vende tilbake til Eurovision i 2010 då ho deltok i den litauiske nasjonale finalen Eurovizija 2010 med låten «Give Away». Ho enda til slutt på tiandeplass i den litauiske finalen. Sidan forsøkte ho seg på nytt i den litauiske uttakinga dei fire påfølgjande åra, men utan å vinne.
I 2013 deltok Linkytė i den andre sesongen av Lietuvos Balsas, den litauiske versjonen av The Voice. Ho blei nummer to i tevlinga. Ho blei nummer fire i den austeuropeiske artisttevlinga New Wave 2014. Året etter vann ho den litauiske uttakinga til Eurovision Song Contest 2015 med låten «» saman med . I Eurovision i Wien kvalifiserte duoen seg til finalen, der han til slutt enda på 18. plass.
Etter Eurovision gav Linkytė ut singelen «Po dangum» som selde til platina i Litauen. Same haust slapp ho debutalbumet Walk with Me som også selde til platina. Under den litausike musikkpris-utdelinga M.A.M.A. Awards for 2015 vann ho prisen for beste album og beste kvinnelege artist. Hun blei nominert på nytt i kategorien beste kvinnelege artist i 2016.
I 2023 deltok Linkytė nok ein gong i den litauske Eurovision-uttakinga, Pabandom Iš Naujo!. Ho vann finalen 18. februar med låten «Stay», og fekk dimed representere Litauen i Eurovision Song Contest 2023 i Liverpool. Der enda ho på ellevteplass i finalen.
Diskografi Studioalbum Walk with Me (2015) EP-ar Old Love (2018)
Kjelder
Denne artikkelen bygger på «Monika Linkytė» frå , den 3. mars 2024.
Kategori:Litauiske songarar Kategori:Litauiske låtskrivarar Kategori:Litauiske Eurovision Song Contest-deltakarar Kategori:Litauiske Eurovision Song Contest-låtskrivarar Kategori:Eurovision Song Contest 2015-deltakarar Kategori:Eurovision Song Contest 2023-deltakarar Kategori:Eurovision Song Contest 2023-låtskrivarar