Mai Salem Hanna al-Kaila () er ein palestinsk lege, diplomat og politikar, og den fyrste kvinna som hadde stillinga som helseminister i Palestina. Ho har ein doktorgrad i folkehelse og helseadministrasjon. Ho leia Palestinian Medical Council i eigenskap av helseminister.
Liv og virke Bakgrunn Mai Salem Hanna al-Kaila blei fødd den 8. april 1955 i Jerusalem på den jordanske Vestbreidda. Ho fekk si grunnleggjande og forberedande utdanning ved skuler i Birzeit, og si vidaregåande utdanning ved Private College i Ramallah. Ho studerte sjukepleie ved Augusta Victoria Hospital i Jerusalem. Ho studerte medisin ved Universitetet i Granada i Spania og oppnådde ein bachelorgrad frå dette, deretter spesialiserte ho seg innan obstetrikk og gynekologi ved University of California, San Francisco i USA og oppnådde ein mastergrad. Ho oppnådde sin doktorgrad i folkehelse og epidemiologi frå Universitetet i Chile.
Karriere Al-Kaila arbeidde som ålmennlege ved Palestine Red Crescent Hospital i Jerusalem i obstetrikk- og gynekologiprogrammet. Ho har fremma jobbar og stillingar, då ho var føreleser ved Al-Quds-universitetet i folkehelseavdelinga, og ved SN sin hjelpeorganisasjon for palestinske flyktningar i Midtausten (UNRWA) som leiar av Motherhood and Childhood Program.
I 1994 blei al-Kaila utnemnd til den palestinske delegasjonen for å delta i Verdskonferansen om kvinner i 1995 i Beijing.
Al-Kaila blei utnemnd til ambassadør for Palestina til Chile den 31. oktober 2005. Ho fortsette i denne rolla fram til ho blei utnemnd til ambassadør for staten Palestina til Italia den 1. oktober 2013.
Den 4. desember 2016 vann al-Kaila fram i vala til Det palestinske revolusjonsrådet, som blei haldne under den sjuande konferansen til Fatah, og blei medlem av det.
Den 13. april 2019 avla al-Kaila den konstitusjonelle eiden for den palestinske presidenten Mahmoud Abbas som helseminister i regjeringa til Mohammad Shtayyeh.
Kjelder
Denne artikkelen bygger på «Mai al-Kaila» frå , den 12. mars 2024.
Kategori:Palestinske legar Kategori:Palestinske ambassadørar Kategori:Palestinske politikarar Kategori:Ambassadørar til Chile Kategori:Ambassadørar til Italia Kategori:Folk frå Jerusalem