Talant Dujsjebajev () er ein handballtrenar og -spelar frå Bisjkek. Han er kirgisisk av opphav og representerte etter tur Sovjetunionen, Russland og Spania. Dujsjebajev vart olympisk meister 1992 for den oppløyste Sovjetunionen og verdsmeister 1993 for Russland. Han har sidan 2014 vore trenar for polske Kielce.
Karriere Klubbspel Dujsjebajev var aktiv i CSKA Moskva frå 1987 til 1992. Sidan gjorde han 1992-97 teneste i spanske TEKA Santander, før han tok ein sesong i tyske Nettelstedt. Han heldt fram i Tyskland med GSW Minden i tida 1998-2001. Til sist spelte han 2001-07 for det spanske storlaget Ciudad Real.
Landslagsspel Dujsjebajev vart olympisk meister for det tidlegare sovjetiske landslaget under Sommar-OL 1992 i Barcelona. Året etter bidrog han mykje til at Russland vart verdsmeister under Handball-VM 1993 i Sverige. Frå 1995 var han spansk statsborgar. Med det spanske landslaget vann han to OL-sølv, to EM-sølv og ein EM-bronse i tida 1996-2000.
Trenar 2006-09 leia han Ciudad Real til tre triumfar i EHF-meisterligaen. Sidan var han i to år trenar for Atletico Madrid, som tapte meisterligafinalen i 2012. Han leia polske Kielce til triumf i meisterligaen 2016, medan det vart finaletap i same turneringa både 2022 og 2023.
Merittar Sommar-OL 1992: Gullmedalje, 22-20 mot Sverige VM 1993: Gullmedalje, 28-19 over Frankrike Sommar-OL 1996: Bronsemedalje, 27-25 mot Frankrike EM 1996: Sølvmedalje, 22-23 mot Russland EM 1998: Sølvmedalje, 23-25 mot Sverige Sommar-OL 2000: Bronsemedalje, 26-22 mot Jugoslavia EM 2000: Bronsemedalje, 24-23 mot Frankrike Vinnar av EHF-meisterligaen: 1994 for TEKA Santander Vinnar av EHF-europaserien: 1993 for TEKA Santander Spansk seriemeister: 1993, 1994 for TEKA Santander og 2004 for Ciudad Real Spansk cupmeister: 1995 for TEKA Santander og 2003 for Ciudad Real
I 1994 og 1996 vart Dujsjebajev kåra til verdas beste handballspelar.
Kjelder
Denne artikkelen bygger på «Talant Dujshebaev» frå , den 19. april 2024.
Kategori:Spanjolar Kategori:Russarar Kategori:Kirgisarar Kategori:Verdsmeistrar i handball Kategori:Olympiske medaljevinnarar i handball Kategori:Olympiske meistrar for SUS Kategori:Olympiske bronsemedaljevinnarar for Spania Kategori:Medaljevinnarar under sommar-OL 1992 Kategori:Deltakarar for SUS under sommar-OL 1992 Kategori:Handballspelarar under sommar-OL 1992 Kategori:Medaljevinnarar under sommar-OL 1996 Kategori:Spanske deltakarar under sommar-OL 1996 Kategori:Handballspelarar under sommar-OL 1996 Kategori:Medaljevinnarar under sommar-OL 2000 Kategori:Spanske deltakarar under sommar-OL 2000 Kategori:Handballspelarar under sommar-OL 2000 Kategori:Spanske deltakarar under sommar-OL 2004 Kategori:Handballspelarar under sommar-OL 2004