Per Magnus Andersson () er ein svensk tidlegare handballspelar frå Linköping. Han var midtre rykkromspelar på det svenske landslaget som i perioden 1990-2002 vann to VM-gull og fire EM-gull.
Karriere Klubbspel Andersson slo gjennom med HK Drott frå Halmstad, ein klubb han fyrst spelte for i tida 1987-91. Sesongen 1991/92 var han aktiv i Stavanger IF, eit lag som kom på andreplass i den norske eliteserien. Sidan gjorde han 1992/93 og 1995-97 teneste i tyske TuS Schutterwald og 1997/98 i GWD Minden. Elles spelte han på HK Drott i 1993-95 og 1998-2003. Over åra vart han seks gongar svensk seriemeister med Drott, fyrste gongen i 1988 og siste gongen i 2002. Våren 2001 hadde han eit mellomspel med Ademar León, der han var med å sikre sigeren i den nasjonale ligaen for den spanske storklubben.
Landslagsspel Andersson deltok frå 1988 og 2003 i 310 av Sveriges landskampar, skåra 919 mål. Åra frå 1990 til 2002 sanka han heile 13 medaljar i ulike internasjonale meisterskap, deltok i fire VM-finalar, tapte tre OL-finalar, og sigra i fire EM-finalar. Han vart verdsmeister 1990, europameister 1994 og 1998, verdsmeister 1999 og europameister 2000 og 2002. Som den sentrale spelstyraren i mannskapet skåra han heller få mål i finalane.
Merittar VM 1990: Gullmedalje, 27-23 mot Sovjetunionen Sommar-OL 1992: Sølvmedalje, 20-22 mot «Sovjetunionen» VM 1993: Bronsemedalje, 26-19 over Sveits EM 1994: Gullmedalje, 34-21 over Russland VM 1995: Bronsemedalje, 26-20 mot Tyskland Sommar-OL 1996: Sølvmedalje, 26-27 mot Kroatia VM 1997: Sølvmedalje, 21-23 mot Russland EM 1998: Gullmedalje, 25-23 mot Spania VM 1999: Gullmedalje, 25-24 mot Russland Sommar-OL 2000: Sølvmedalje, 26-28 mot Russland EM 2000: Gullmedalje, 32-31 mot Russland VM 2001: Sølvmedalje, 25-28 mot Frankrike EM 2002: Gullmedalje, 33-31 mot Tyskland Finalist i EHF-cupvinnarcupen: 1990 for HK Drott, tap 42–45 mot Teka Santander Svensk seriemeister: 1988, 1990, 1991, 1994, 1999, 2002 for HK Drott Svensk cupmeister: 1990 for HK Drott Spansk seriemeister: 2001 for Ademar León
Kjelder
Denne artikkelen bygger på «Magnus Andersson (handbollstränare)» frå , den 9. august 2024.
Kategori:Svenske handballspelarar Kategori:Olympiske medaljevinnarar i handball Kategori:Olympiske sølvmedaljevinnarar for Sverige Kategori:Medaljevinnarar under sommar-OL 1992 Kategori:Svenske deltakarar under sommar-OL 1992 Kategori:Handballspelarar under sommar-OL 1992 Kategori:Medaljevinnarar under sommar-OL 1996 Kategori:Svenske deltakarar under sommar-OL 1996 Kategori:Handballspelarar under sommar-OL 1996 Kategori:Medaljevinnarar under sommar-OL 2000 Kategori:Svenske deltakarar under sommar-OL 2000 Kategori:Handballspelarar under sommar-OL 2000 Kategori:Folk frå Linköping