Megara er ei spansk rockegruppe, skipa i Madrid i 2015. Gruppa består av Kenzy Loevett, Vitti Crocutta, Tio Rober Bueno og Raphaela Tache. Dei representerte San Marino i Eurovision Song Contest 2024 med songen «11:11», etter å ha vunne den sanmarinske songtevlinga .
Historie Megara blei skipa i Madrid i 2015 av gitaristen Rober og vokalisten Kenzy. Same år gav bandet ut debut-EP-en Muérase quien pueda. I 2016 gav det ut sitt første studioalbum, Siete. Etter utgjevinga av det andre studioalbumet sitt, Aquí estamos todos locos, i 2018, byrja bandet å auke i popularitet, og debuterte på Download Festival og Resurrection Fest i 2019.
Benidorm Fest (2023) I 2023 deltok Megara i , den spanske uttakinga til Eurovision Song Contest 2023, med songen «Arcadia». Dei enda på fjerdeplass i den fyrste semifinalen 31. januar 2023, og kvalifiserte seg til finalen, der dei enda på fjerdeplass samanlagd. Same år kunngjorde dei at dei skulle vere oppvarmingsband på den spanske etappen av verdsturneen til det japanske kawaii-metalbandet Babymetal.
Una voce per San Marino og Eurovision Song Contest (2024) I 2024 deltok Megara i den sanmarinske songtevlinga med songen «11:11». Songen var opphavleg meint for å tevle i , men blei ikkje vald av kringkastaren . For å overhalde tevlingsreglane til Una voce per San Marino blei det lagt til vers på italiensk. Megara tevla i den andre semifinalen, og etter å ha kvalifisert seg til den andre sjanse-runden 23. februar 2024, gjekk gruppa vidare til finalen. Megara blei kåra til vinnarar av tevlinga av ei profesjonell jurygruppe på fem medlemmar og fekk dimed moglegheita til å representere San Marino i Eurovision Song Contest 2024 i Malmö. I Eurovision Song Contest deltok Megara i den andre semifinalen torsdag 9. mai, men gjekk ikkje vidare til finalen.
Musikkstil Megara har kalla musikkstilen sin «fucksia rock», ein kombinasjon av sjangrane elektronisk, dance og rock. Bandet har uttala at dei laga omgrepet av forakt for å bli sett inn i en sjanger. I eit intervju uttala Rober Bueno «vi såg ikkje oss sjølv i nokon spesifikk sjanger ... det omfattar fleire stilar. Vi likar pop og rock, og vi uttrykkjer smaken vår i songane våre. Og han har ei blanding av alt det.» I eit anna intervju skildra bandet musikken deira som «den perfekte blandinga mellom det skumle og sukkerspinn».
Kjelder
Denne artikkelen bygger på «Megara (band)» frå , den 30. desember 2024.
Kategori:Spanske musikkgrupper Kategori:Sanmarinske Eurovision Song Contest-deltakarar Kategori:Eurovision Song Contest 2024-deltakarar Kategori:Musikkgrupper skipa i 2015