Guri Idsø Viken () er ein norsk journalist, samfunnsdebattant og romanforfattar. Ho er frå Overhalla i Trøndelag, men bur på Vestre Sandøya i Agder.
Bakgrunn Viken er Cand. philol. i litteraturvitskap frå Universitetet i Bergen, og har i lang tid skrive ulike kommentarar og innlegg for mellom andre Aftenposten, Namdalsavisa og Syn og Segn.
Idsø Viken arbeider som prosjektleiar for internasjonalt arbeid i Frivillighet Norge, der ho mellom anna har hatt ansvaret for organisasjonen sitt arbeid med sivilsamfunn i Aust-Europa, inkludert Romania, Bulgaria og Ukraina.
Bøker Guri Idsø Viken skreiv romanen Magnhild: en roman om sex, fyll og offentlig forvaltning i 2013 saman med Inger Johanne Sæterbakk. Romanen var basert på den populære bloggen Magghilds Antiblogg.
I 2025 gav Idsø Viken ut romanen Krakk på nynorsk med handling basert på Arendalskrakket, som fann stad i 1886 og førte til ei mengde konkursar og tap av arbeidsplassar både i Arendal og andre stader. Romanen fekk mykje merksemd og gode omtaler i dei fleste norske avisene. VG sin kritikar Sindre Hovdenakk gav romanen terningkast seks og meinte han var «en skikkelig kraftpakke av underholdende og spennende ingredienser». Mímir Kristjánsson i Klassekampen skreiv at romanen hadde alle ingrediensane til eit godt kostymedrama og kalla han «mykpornografisk Downton Abbey fra Arendal», mens Gerd Elin Stava Sandve i Dagsavisen skreiv at Krakk var «ein særs vellukka roman, frå start til slutt. Her er nydelege skildringar av overklassen sitt overdådige liv, ispeidd passande dosar sex, dop og spelegalskap.»
Bibliografi
2013: Magnhild. En roman om sex, fyll og offentlig forvaltning. (Roman, Aschehoug). 2025: Krakk. (Roman, Aschehoug).
Kjelder
Denne artikkelen bygger på «Guri Idsø Viken» frå , den 3. mars 2025.
Kategori:Norske romanforfattarar Kategori:Norske journalistar