mini|Eit kjøleskap produsert på 1920-talet. Aura jarnindustri (finsk Auran Rautateollisuus OY) var eit føretak i Aura i Finland. Det vart grunnlagt i 1912, då Juho Merivaara kjøpte ein fabrikk frå eit konkursbu i Turku og flytta han til Aura. På denne tida var Finland var eit storfyrstedøme under den russiske tsaren, og Russland var ein viktig marknad for føretaket. Men då Finland reiv seg laus frå Russland i 1917 gjekk den russiske marknaden tapt.
I 1921 vart namnet endra til Auran Rautateollisuus Oy (ARA). Føretaket produserte traktorar (under merkenamnet Kullervo), traktormonterte gravemaskinar, landbruksmaskinar og andre maskinar. Men det vart òg produsert kvitvarer og elektoniske produkt som radioar, fjernsynsapparat og utstyr for fjernsynstudio.
Føretaket fekk etter kvart mange eigarar. I 1964 vart det seld til Pellonraivaus Oy, som i 1974 selde det til Tamrock, som i 1997 vart ein del av Sandvik-konsernet.
Kjelder
Denne artikkelen bygger på «Auran Rautateollisuus» frå , den 17. juli 2024.
Kategori:Finsk industrihistorie Kategori:Skipingar i 1912