Kristoffer Skraastad () var ein norsk gardbrukar og politikar frå Vang i Hedmark. Han representerte valkrinsen Hedmark og partiet Høgre i Stortinget 1925-27.
Skraastad dreiv Vang Korn- og Frørenseri frå 1886 og forpakta deretter garden Hoel i Vang frå 1890 til 1900. I 1900 kjøpte han slektsgarden Skråstad og dreiv han til 1938. Han var medlem av kommunestyret i Vang frå 1898 til 1928. Periodane 1914-16 og 1920-22 var han ordførar i kommunen, mellomliggjande 1917-19 var han varaordførar. Hausten 1924 vart han vald til stortingsmann for Hedmark.
Skraastad var frå 1903 administrerande direktør i Vang- og Furnes Brannkasse i 44 år. Noko som førte til at han i 1928 vart styremedlem i det landsdekkjande forsikringsselskapet Samtrygd i 1928, nestleiar i 1937 og styreleiar i 1941. Han var elles styreleiar i Hamar Stiftstidende og Vangs Brænderi, samt styremedlem i Jønsberg landbruksskole og Hamar Privatbank. I Hamar Slagteri og Hedmark Meieri leia han representantskapet.
Kjelder Stortinget 1925-1927.
Kategori:Stortingsrepresentantar 1925-1927 Kategori:Folk frå Hamar Kategori:Norske gardbrukarar frå 1900-talet