mini|To menn, fotografert i ei åfløy, i ein stilleflytande del av Gudbrandsdalslågen under drivgarnsfiske etter sik (Coregonus lavaretus).
Åfløy er ein båttype som særleg har vore brukt til fiske i den nordre delen av Mjøsa og nedre del av Gudbrandsdalslågen. Ei åfløy er lett kjenneleg på den kraftig utlagde akterspegelen. Han har spring, slik at framenden peikar opp.
Konstruksjon Åfløyer varierer i utsjånad og byggemåte. Dei har likevel mange felles eigenskapar. Som vanleg er hjå elvebåtar, har åfløyen flat botn. Botnen er ofte samansett av kraftige pløygde bord med not og fjør, og er gjerne samanfesta med nykte kjengar. Under den flate botnen er det to, eller fleire meiar til vern mot slitasje når båten vert dregen på land.
mini|Botnen av ei tjørebreidd åfløy, brukt i Åstadalen på Ringsakerfjellet. Botnen er nedtrykt i lengderetninga slik at båten får spring, og framenden peikar opp . Springet varierar med storleiken på båten. Siden er klinkbygde. På eldre båtar er det ofte brukt nykt kjeng eller spikar. Seinare har det vorte brukt båtsaum. Sidene er godt utlagde, særleg på større båtar. Akterspegelen er flat og sterkt skrånande.
Sideborda er spikra til akterspegelen. Framme er dei og spikra til kvarandre, eller til stamnen. Dei kan vere felte til stamnen. Stamnen kan vere innvendig, slik at han ligg innanfor dei samanfesta borda. Åfløyer har tadisjonelt vore bygde av gran. Dei er oftast bygde for ein roar, og har tollepinnar.
Bruk Åfløyar har mykje vorte brukt til fiske i Gudbrandsdalslågen, og i Mjøsa. Det har vore den vanlege båten ved fiske etter lågåsild og sik. Til dette fiske har det vorte brukt landnot (kastenot), drivgarn, stokkhov , sikstang og mælkrakk.
Utbreiing I tillegg til områda for fiskeri i Mjøsa og Lågen, finn ein båttypen i vatn og sjøar frå Ringsaker og Totenåsen i sør, til Lesja og Skjåk i nord. Dei ulike distrikta har variasjonar i utforminga av detaljer på båten, men dette er også noe personavhengig. Fjellvattentypen er kortare, mindre krumma og mindre utlagd i sidene enn åfløyer brukt på Mjøsa og i Lågen.
Galleri
Fotnotar
Kategori:Norske innlandsbåtar Kategori:Norske båttypar