Meisterligaen i handball 2025 for menn var ei turnering arrangert av Europas handballforbund (EHF) som tok til 11. september 2024. Turneringa med 16 deltakande lag opna med seriespel i to grupper à 8 lag. Dei to beste laga i dei to gruppene gjekk rett til kvartfinalane, laga på plassane 3-6 møttest til cupspel om plass i kvartfinalane. Laga som vann kvartfinalane møttest til sluttspel i Köln 14. og 15. juni.
Sportclub Magdeburg triumferte i turneringa ved å vinne over Füchse Berlin. I semifinalen vann Magdeburg 31–30 over spanske FC Barcelona. I kvartfinalane slo Magdeburg ut ungarske KC Veszprém med siffera 54–53. Det var femte gongen SC Magdeburg vann EHF-meisterligaen, den forrige triumfen var frå 2023.
Sluttspelet Semifinalane: Füchse Berlin – HC Nantes 34–24 SC Magdeburg – FC Barcelona 31–30 Bronsefinalen: HC Nantes – FC Barcelona 30–25
Finalen Füchse tok leiinga 5–3 , før Magdeburg snudde til 8–6. Magdeburg gjekk i tre måls leiing på 13–10 og fire måls føring på 15–11. Ved pause leia Magdeburg 16–12. I den andre omgangen styrte Magdeburg kampen, laget leia 23–17 etter 43 minutts spel. Knapt ti minutt før full tid reduserte Füchse til 24–27. Men Magdeburg svarte med to strake skåringar, og sigeren var sidan aldri truga. Til sist vann Magdeburg med 32 mål mot 26.
Magdeburgs Gísli Kristjánsson vart toppskårar i oppgjeret med 8 nettkjenningar. Elles skåra Felix Claar og Ómar Ingi Magnússon kvar sine 6 mål, medan Magnus Saugstrup og Daniel Pettersson skåra 3 gongar, Albin Lagergren og Lukas Mertens, begge 2 mål, Antonio Serradlilla og Philipp Weber 1 mål kvar. Lagkapteinen Christian O'Sullivan, Michael Damgaard og Oscar Bergendahl kom ikkje på skåringslista. Sergey Hernandez vakta målet.
Flittigaste målskyttarane for Füchse Berlin var Mathias Gidsel og Hákun Teigum, begge med 7 fulltreffarar.
Kjelder
Denne artikkelen bygger på «EHF Champions League der Männer 2024/25» frå , den 20. juni 2025.
Kategori:Handball Kategori:Handball i 2025 Kategori:Idrettstilskipingar i Tyskland