Ann Eli Tafjord () er ein tidlegare langrennar frå Norddal kommune. Ho vart i 2006 noregsmeister på 30 kilometer. Tafjord er medlem i Valldal Idrettslag.
Tafjord var aktiv i langrenn til 1996. Etter eit opphald på fem år, kom ho vinteren 2001/02 tilbake i langrennsløypene. I Ski-NM 2003 i Meråker gjekk ho inn til bronsemedalje på tremila, ei tevling utan dei fleste landslagsløparane. Året etter tok ho i Ski-NM 2004 ein ny bronsemedalje, då på 15 km og bak Hilde Gjermundshaug Pedersen og sølvvinnar Marit Bjørgen. Under Ski-NM 2005 kom Tafjord på femteplass på 10 km fristil og sjetteplass på 15 km. Den 1. april 2006, under Ski-NM 2006 i Vadsø, sigra ho på 30 kilometer fellesstart i fristil, over minuttet framom Hilde Gjermundshaug Pedersen og halvtanna minutt føre Kristin Steira på bronseplass.
Tafjord debuterte i verdscupen i langrenn 16. mars 2002. Ho deltok i 11 verdscup-tevlingar. Tiandeplassen på tremila i Holmenkollen 11. mars 2006 var hennar fremste prestasjon i verdscupen, eit renn der ho også var beste norske løpar.
Kjelder
Denne artikkelen bygger på «Ann Eli Tafjord» frå , den 25. februar 2026.
Kategori:Norske langrennsløparar Kategori:Noregsmeistrar i langrenn Kategori:Folk frå Norddal