Suzanne Elizabeth Innes-Stubb () er ein britisk-finsk advokat og kona til Alexander Stubb, president i Finland. Ho er den første personen utan finsk opphav som er ektefelle til Finlands president medan vedkomande sit i embetet, medan den første ikkje-finske ektefellen til ein president var den første kona til Gustaf Mannerheim, som var russisk. Innes-Stubb arbeidde som Head of Global Compliance i selskapet KONE.
Bakgrunn Suzanne Innes vart fødd i Solihull i England. Mora hennar kjem frå Essex, og faren hennar er av skotsk opphav. Begge foreldra hennar var lærarar. Brørne hennar driv framleis familiegarden på morssida nær Stansted lufthamn.
Innes studerte juss, fransk og tysk ved University of Surrey og tok ein Bachelor of Science-grad i 1992. Deretter studerte ho EU-rett ved College of Europe i Brugge i Belgia. Ho fekk mastergrad i juss (LLM) i 1995.
Karriere Medan ho budde i Brussel i 1999, arbeidde Innes-Stubb for advokatfirmaet White & Case. Då familien flytta til Helsingfors, byrja ho å arbeide ved Helsingfors-kontoret til firmaet.
I 2014 byrja Innes-Stubb å arbeide som juridisk leiar () for det finske mediekonsernet Sanoma. I 2017 byrja ho i det finske heis- og ingeniørselskapet KONE som Head of Global Compliance. I mars 2024 sa ho opp stillinga for å ta til i ei ny stilling ved Aalto-universitetet frå september 2024.
Privatliv Innes møtte Stubb i 1994 medan dei studerte jus ved College of Europe i Brugge i Belgia. Dei forlova seg i 1997 og gifta seg i 1998. Paret har to barn (fødd i 2001 og 2004).
I tillegg til engelsk snakkar Innes-Stubb fransk, tysk, finsk og svensk.
Utmerkingar Nasjonale utmerkingar : Kommandør med storkross av Den kvite rose-ordenen (27. februar 2024)Curriculum VitaeSUURMESTARI VASTAANOTTI KUNNIAMERKKINSÄ – STORMÄSTAREN EMOTTOG SINA UTMÄRKELSETECKEN Utanlandske utmerkingar : Dame med storkross av Dannebrogordenen (4. mars 2025) : Medlem av 1. klasse av Terra Mariana-krossordenen (23. mai 2024) : Storkross av Den islandske falkeordenen (7. oktober 2025)https://www.flickr.com/photos/tpkanslia/54839273468// : Kommandør med storkross av Trestjerneordenen (16. September 2025) : Storkross av Kroneordenen (11. desember 2025) : Storkross av Fortenesteordenen (15. oktober 2024) : Kommandør med storkross av Nordstjerneordenen (23. april 2024) : Medlem av 1. klasse av Fyrstinne Olga-ordenen (12. september 2025)
Kjelder
Denne artikkelen bygger på «Suzanne Innes-Stubb» frå , den 10. mars 2026.
Kategori:Britiske advokatar Kategori:Finske advokatar Kategori:Ektefellar av finske presidentar Kategori:Dannebrogordenen Kategori:Den islandske falkeordenen Kategori:Den Kongelege Norske Fortenesteorden Kategori:Nordstjerneordenen