mini|Empanada med ananasfyll frå Mexico. Empanada er eit brød eller ein deig med fyll. Namnet kjem frå det spanske og portugisiske verbet empanar, som tyder å panera. Empanada blir laga ved å bake inn eit fyll i deig. I Spania er empanadas ofte store og runde, medan dei i Portugal og Sør-Amerika ofte er små og halvrunde. Namnet varierer mykje avhengig av land og område.
Retten kan ha opphav i det arabiske kjøkkenet gjennom to rettar, fatayer og moajanat, som blei innførte til Spania under den arabiske erobringa av Pyrenearhalvøya frå 711 til 718. Truleg har den amerikanske empanadaen opphav i Galicia i Spania eller Portugal, der ein empanada blir laga stor som ein pai og blir skoren i delar, noko som gjer han lett å ta med for arbeidarar. Fyllet i Galicia og Portugal er ofte anten tunfisk, sardinar eller chorizo, men dei kan også innehalda torsk eller flesk. Kjøtet eller fisken er ofte i ein saus av tomatar, kvitlauk og lauk i deigen. På grunn av det store talet galiciske innvandrarar i Latin-Amerika har empanada gallega gjort stor suksess i området. Retten blei teken med til Sør-Amerika av kolonistar.
Empanada blir gjerne servert med ein sterk salsa og ein liten salat.
Kjelder
Denne artikkelen bygger på «Empanada» frå , den 23. april 2026.
Bakgrunnsstoff
Kategori:Portugisisk mat Kategori:Spansk mat