John Curtis Thomas () var ein USA-amerikansk friidrettsutøvar som forbetra verdsrekorden i høgdehopp og elles vann to olympiske medaljar i øvinga.
Aktiv Thomas hoppa i 1958 over 2,10 meter i Japan. Den 21. februar 1959 sette han uoffisiell innandørs verdsrekord på 2,16 meter i New York City. Grunna skade var han knapt aktiv sommaren 1959. Innandørs i 1960 flytta han verdsrekorden fleire gongar, sist til 2,19 meter i Chicago den 11. mars. Den 30. april 1960 i Philadelphia sette han verdsrekord med 2,17 meter. Den 24. juni, i AAU-meisterskapen, forbetra Thomas rekorden til 2,18 meter. Nøyaktig ei veke seinare, under dei nasjonale OL-uttaka i Palo Alto, tok han seg over 2,19 meter og auka deretter til 2,22 meter. Dermed stod han fram som den store favoritten til å verte olympisk meister i Roma. Her reiv han alle sin forsøk på 2,16 meter og måtte nøye seg med bronsemedaljen. Robert Sjavlakadze og 18 år gamle Valerij Brumel, begge Sovjetunionen, tok seg over 2,16 m og vann gull og sølv.
I 1961 tok Brumel over som verdsrekordhaldar. Han forbetra rekorden centimeter for centimeter, i 1963 til 2,28 m. Brumel kom til dei olympiske sommarleikane 1964 i Tokyo som klar favoritt, ettersom han i juni hadde prestert årsbeste i verda med 2,24 m, nestemann hadde 2,20 m som best. Ved leikane i oktober var ikkje Brumel i toppform, men klarte 2,18 m i fyrste forsøk, det same gjorde John Thomas. Ingen av dei to lukkast på 2,20 m. Fordelinga av gull- og sølvmedalje vart såleis avgjort ved at Thomas hadde fleire riv enn Brumel på lågare høgder. Thomas la deretter opp.
Kjelder
World Athletics Denne artikkelen bygger på «John Thomas (Leichtathlet)» frå , den 15. juni 2026.
Kategori:Høgdehopparar frå USA Kategori:Olympiske sølvmedaljevinnarar for USA Kategori:Olympiske bronsemedaljevinnarar for USA Kategori:Medaljevinnarar under sommar-OL 1960 Kategori:USA-amerikanske deltakarar under sommar-OL 1960 Kategori:Friidrettsutøvarar under sommar-OL 1960 Kategori:Medaljevinnarar under sommar-OL 1964 Kategori:USA-amerikanske deltakarar under sommar-OL 1964 Kategori:Friidrettsutøvarar under sommar-OL 1964