Astri Aas-Hansen () er ein norsk jurist og politikar frå Arbeidarpartiet som sidan 4. februar 2025 har vore justis- og beredskapsminister i Støre-regjeringa.
Ho var statssekretær i Justisdepartementet frå 2007 til 2013.
I 2019 vart Aas-Hansen nestleiar i EOS-utvalet, og dinest leiar av utvalet frå 2021 fram til ho vart utnemnd til justisminister i 2025.
Liv og virke Bakgrunn Aas-Hansen voks opp i Lillesand i Agder og er utdanna jurist frå Universitetet i Oslo.
Advokat og politikar I perioden mellom 2002 og 2017 yrkte ho som advokat i advokatfirmaet Elden DA, der ho vart partnar i 2005. Ho var blant anna forsvararen til Erling Havnå i rettssaka etter Nokas-ranet.
Aas-Hansen har brei erfaring frå Arbeidarane si ungdomsfylking og Arbeidarpartiet. Blant anna var ho politisk rådgivar for stortingsgruppa til partiet 1995–2002, nestleiar i Arbeidarpartiets kvinnerørsle 2002–2004 og møtte i sentralstyret til Arbeidarpartiet.
I 2005 vart Aas-Hansen politisk rådgivar for justisminister Knut Storberget. I 2007 etterfylgde ho Anne Rygh Pedersen som statssekretær i det same departementet, før ho dinest gjekk tilbake til Elden advokatfirma etter stortingsvalet i 2013.
Domar I 2017 vart Aas-Hansen tingrettsdomar i Oslo tingrett.
EOS-utvalet Frå 2019 vart Aas-Hansen vald som nestleiar i Stortingets kontrollutval for etterretnings-, overvakings- og tryggingstenesta (EOS-utvalet). Dinest, frå og med 1. juli 2021 tok ho over som leiar av utvalet. Ho gjekk ut or EOS-utvalet då ho i februar 2025 vart utnemnd til justisminister, og vart i mars 2025 etterfylgd som utvalsleiar av Grete Faremo.
Koronakommisjonen Frå 2020 til 2022 var Aas-Hansen medlem av Koronakommisjonen.
Kjelder
Denne artikkelen bygger på «Astri Aas-Hansen» frå , den 18. august 2026.
Bakgrunnsstoff
Kategori:Norske dommarar Kategori:Norske advokatar Kategori:Politiske rådgjevarar frå Ap Kategori:Statssekretærar i Regjeringa Stoltenberg II Kategori:Statssekretærar frå Ap Kategori:Statsrådar i Regjeringa Støre Kategori:Ap-statsrådar