mini|Undersida av eit fruktbart blad hos Dicksonia antarctica. Kvar sirkelforma, brun struktur er ein enkeltståande sorus Sporehop eller sorus (fleirtal sori) er ei samling av sporangiar, strukturar som produserer og inneheld sporar til formeiring hos bregnar og sopp.
Hos bregnar dannar sori ein gulaktig eller brunaktig masse langs kanten eller på undersida av eit fruktbart bregneblad (frond). Hos enkelte artar er dei under utvikling verna av eit skjell eller eit tynt vevslag kalla slør (indusium), som dannar eit dekke.
Når sporangiar modnast, skrumpar sløret inn slik at sporane kan sleppast fri. Sporangia sprekk deretter opp og frigjer sporane.
Forma, plasseringa og utforminga av sori er ofte viktige kjenneteikn for identifikasjon av bregneartar. Sori kan vere runde eller linjeforma. Dei kan vere ordna i rekkjer, anten parallelt med eller på skrå i høve til bladstilken (costa), eller vere spreidde utan noko fast mønster. Dei kan sitje langs kanten av bregnebladet eller vere plasserte eit stykke innanfor kanten på bladplata. Om slør finst eller ikkje, blir òg brukt til å skilje mellom ulike bregnetakson.
Galleri
Kjelder
Denne artikkelen byggjer på «Sorus» frå , den 25. september 2026
Bakgrunnsstoff
Kategori:Bregnar