Ordenstal skildrar nummer i ei rekkje, og kan derfor òg nemnast som rekkjetal.
Fyrste eller første er ordenstalet som viser til nummer éin i ei rekkje. I nynorsk blir første følgt av andre, medan bokmål har alternativet annen i tillegg til andre. Deretter følgjer tredje, fjerde, femte osb.
Ordenstal skrive med tal må ha eit punktum etter seg på norsk.
Døme: 4. juli, 18. mai, 51. bataljon
Ordenstala er adjektiv, til skilnad frå grunntala, som er determinativ. Jf:
Den fine / første / andre boka (adjektiv) Nokre / to / fjorten / ingen bøker (determinativ)
Kjelder
Språkrådet Faarlund, Jan Terje, Svein Lie og Kjell Ivar Vannebo 1995: Norsk referansegrammatikk
Kategori:Tal Kategori:Ordklassar