Eldar IL er eit norsk idrettslag heimehøyrande på Vossestrand i Voss i Vestland. Klubben vart stifta i 1949 etter ei samanslåing av fleire lokale idrettslag på Vossestrand. Eldar IL driv aktivitet innan mellom anna fotball, skiidrett, rugby, diskgolf og allidrett.
Historie Den organiserte idretten på Vossestrand har røter tilbake til 1894, då Vossestrand Skilag vart stifta. Seinare kom fleire lag til, mellom anna Hauge og Stalheim Idrettslag og Oppheim Turn- og Idrettslag frå 1934. Dei tidlege laga dreiv særleg med skiidrett, men også turn, handball og fotball.
1949 vart laga samla til eitt felles idrettslag. Etter ein namnekonkurranse fekk klubben namnet «Eldar».
Gjennom historia har ski vore ein sentral del av aktiviteten på Vossestrand. Eldar har hatt aktivitet innan langrenn, skiskyting, hopp, kombinert og alpint, og fleire utøvarar frå klubben har hevda seg nasjonalt og internasjonalt.
Kjende medlemmer Lars Bystøl – skihoppar, OL-meister i normalbakke frå Vinter-OL 2006 i Torino.
Kjelder
Nettstaden til Voss Idrottsråd
Bakgrunnsstoff
Kategori:Idrettslag i Voss Kategori:Idrettslag skipa i 1949 Kategori:1949 i Noreg