St. Anastasia (bulgarsk Света Анастасия, Sveta Anastasija, tidlegare kalla Bolsjevik, Болшевик) er ei lita bulgarsk øy i Svartehavet. Ho ligg 1,5 km utanfor kysten nær Tsjernomorets og har eit areal på 0,01 km². Ho er den einaste folkesette øya utanfor den bulgarske svartehavskysten.
Øya har vulkansk opphav.Dimitrov, D. 2019. Engineering-geological investigation in the coastal zone of St. Anastasia Island. Engineering Geology and Hydrogeology, 33, 67–75Dimitrov D., B. Banushev. 2021. Geological-geomorphological characteristics and petrographical composition of the St. Anastasia Island. Acta Scientifica Naturalis. 8. 118–125. Bibcode:2021AcSN....8a.118D. doi:10.2478/asn-2021-0010. Ho har både elektrisitet og drikkevatn, og er kalla opp etter det tidlegare nonneklosteret St. Anastasia som låg her. Klosteret vart forlate i 1923, då øya vart omgjort til eit fengsel.
I 1925 gjorde 43 politiske fangar (kommunistar og antifasistar) leia av Teohar Bakardzjiev opprør og rømde frå øya og vidare til Sovjetunionen. Etter at kommunistane kom til makta i Bulgaria i 1945 blei øya kalla Bolsjevik til ære for dei. Den bulgarske filmregissøren Rangel Valtsjanov baserte filmen sin On the Small Island (bulgarsk На малкия остров) frå 1958 på denne hendinga.
I dag står det eit fyr på øya, i tillegg til ein pub, ein liten kai og fleire bygningar som gjev husrom til turistar. Om sommaren er det fleire daglege avgangar for båtar mellom Burgas og St. Anastaisa.
Galleri
Kjelder
Denne artikkelen bygger på «St. Anastasia Island» frå , den 27. februar 2007.
Bakgrunnsstoff
Nettstad for turistar
Kategori:Øyar i Bulgaria Kategori:Øyar i Svartehavet