Stymfalíasjøen (gresk Λίμνη Στυμφαλία, Límni Stymfalía) er ein innsjø nordaust på Peloponnes i periferieininga Korinthía i Hellas. Sjøen er ein typisk karstsjø. Han får mykje av vatnet sitt frå bekkar, medan det renn ut gjennom underjordiske bekkar og ein kanal.
Rundt sjøen ligg eit våtmarksområde, men vanlegvis er landet rundt innsjøen likevel ganske tørt. Ein finn ei blanding av krattskog og jordbruk der. Nokre år tørker sjøen inn, og blir då nytta for jordbruk.
Området er rikt på fuglar, amfibiar og planteliv. Kvitaugeand (Aythya nyroca) og dvergraudrum (Ixobrychus minutus) hekkar her.BirdLife IBA Factsheet
Historikaren Strabo (ca. 64 f.Kr-23 e.Kr.) skildra sjøen som ikkje hadde synlege utløp. Han meinte vatnet rann ut nær Kefalári sørom Árgos.Stymphalia ved showcaves.com
Området er òg nemnd i gresk mytologi i samband med dei stymfaliske fuglane, som plaga dei arkadiske skogane nær innsjøen. Herakles si sjette arbeidsoppgåve var å få has på dei.Ron Leadbetter «Stymphalian Birds.» Encyclopedia Mythica http://www.pantheon.org/articles/s/stymphalian_birds.html
Kjelder
Fotnotar
Bakgrunnsstoff
Stymfaliasjøen Stymfaliasjøen Stymfaliasjøen