Vólos (gresk skrift Βόλος, osmansk tyrkisk Golos) er ein by og ein kommune i periferieininga Magnisía i Thessalía i Hellas. Han ligg 326 km nord for Aten og 215 km sør for Thessaloníki. Han er hovudstad i Magnisía.
Vólos ligg inst i Pagastikósbukta ved foten av fjellet Pílio (landet til kentaurane). Vólos er den einaste hamna i Thessalía, det største jordbruksområdet i landet. Han har i dag om lag 85 000 innbyggjarar og er eit viktig industrisenter, medan hamna er ei knutepunkt mellom Europa, Midtausten og Asia. Vólos er den tredje største hamna i Hellas og har mykje trafikk til dei nærliggande øyane i øygruppa Dei nordlege Sporadane, som inkluderer Skiáthos, Skópelos og Alónnisos. I tillegg er det samband til Límnos, Lésvos, Khíos og Skýros.
Vólos er den nyaste av dei greske hamnebyane med mange moderne bygningar som vart reist etter dei katastrofale jordskjelva i 1955. Økonomien er basert på produksjon, handel, tenester og turisme. Her ligg Thessalía universitet, eit av dei viktigaste i landet.
Historie Antikken
Den moderne Vólos er bygd i eit område der dei antikke byane Demetrias, Pagasae og Iolkós låg. Demetrias vart grunnlagd av Demetrios Poliorketes, konge av Makedonia Iolkós var heimstaden til helten Jason, som gjekk om bord på skipet Argo i lag med argonautane og segla på leit etter Det gylne skinnet til Kolkhis. Vest for Vólos ligg steinalderbusetnaden Dimini med ruinane av ein akropolis, veggar og to kuppelgraver frå 4000-1200 fvt. Her ligg òg Sesklo med restane av den eldste akropolisen i Hellas (6000 fvt.), i tillegg til grunnmuren av eit palass og herregardar.
Austromersk tid I følgje austromerske historikarar var Vólos på 1300-talet kalla Golos. Ein mykje akseptert teori for dette namnet er at Vólos kjem av det mykenske namnet på byen, Iolkós, som er vorte forvrengd gjennom tidene til Golkos, så Golos og til slutt Vólos. Andre hevdar at det kom frå Folos, som i følgje mytologien var ein rik godseigar i området.
Den moderne Vólos Vólos er ein relativt ny by som byrja å vekse på midten av 1800-talet. Etter han vart annektert av Hellas frå Det osmanske riket i 1881 hadde han berre 4 900 innbyggjarar, men voks raskt dei neste 40 åra. Kjøpmenn, forretningsmenn, handverkarar og seglarar flytta til Vólos frå dei omliggande områda. I 1920-åra kom det mange flyktningar til Vólos, særleg frå Jonia, men òg frå Pontos, Kappadokia og Aust-Thráki. I 1920 hadde Vólos 30 046 innbyggjarar, men i 1928 hadde talet vokse til 47 892.
Administrativ inndeling thumb|180px|left|Kart over kommunaleiningane i kommunen Vólos. mini|venstre|Den tidlegare kommunen Vólos, no kommunaleininga Vólos Kommunen vart danna i 2011 ved at ein slo saman dei tidlegare kommunane Vólos Néa Ankhíalos Iolkós Portariá Agriá Artémida Esonía Néa Ionía Makrinítsa Dei ni tidlegare kommunane er no kommunaleiningar.
Ved folketeljinga i 2021 hadde kommunen 139 670 innbyggjarar, medan kommunaleininga Vólos hadde 85 803, som alle budde i tettstaden med same namn.
Byar og tettstader Dei største byane og tettstadene i kommunen er: Tettstad Kommunaleining Folketal 2011Folketeljing 2011, revidert Folketal 2021Folketeljing 2021 Vólos Vólos 86 046 85 803 Néa Ionía Néa Ionía 32 661 30 688 Agriá Agriá 5 191 4 928 Néa Ankhíalos Néa Ankhíalos 5 132 4 518 Dimíni Esonía 2 261 1 979 Káto Lekhónia Artémida 1 487 1 347 Áno Lekhónia Artémida 1 068 983 Anakasiá Iolkós 1 012 888 Álli Meriá Portariá 770 822 Sésklo Esonía 862 783 Melissátika Néa Ionía 733 632 Áno Vólos Iolkós 539 566 Portariá Portariá 552 488
Personar Jason, antikk helt Pelevs, antikk helt Giorgio de Khiriko (1888-1978) Sofia Vembo, (1910-1978), musikar Tzimis Armaos, (døydde i Aten i 1999), verdsmeister i bryting Theophilos Xatzimiaxail, målar (1871-1934) Vangelis, komponist, fødd 1943 Phaidon Gizikis (1917-1999), gresk politikar Laurentis Makheritsas, komponist og musikar Alexandros Myrat Paraskevi Tsiamita, idrettsutøvar, verdsmeister 1999 i tresteghopp Olga Vasdeki, idrettsutøvar, europameister 1998 i tresteghopp Elena Paparizou, musikar, vinnar av Eurovision 2005
Referansar
Denne artikkelen bygger på «Volos» frå , den 17. september 2007.
Bakgrunnsstoff Offisiell nettstad (gresk) Infovolos
Volos Volos Volos Volos Volos Volos