Iseosjøen (italiensk Lago d'Iseo eller Sebino) er den fjerde største innsjøen i Lombardia i Italia.
Han ligg nord i landet i Val Camonica-området, nær byane Brescia og Bergamo. Innsjøen er nesten likt delt mellom provinsane Bergamo og Brescia. Trass i at denne delen av landet er svært industrialisert er området rundt innsjøen svært vakkert. Vegen nordover til Sveits brukte å gå langs innsjøen og mange bilar har køyrt utfor og hamna i vatnet. Ein tryggare veg er no sprengt ut i fjellsida.
Midt i innsjøen ligg Monte Isola (eller Montisola), den største øya i alle innsjøar i Sør-Europa.
Busetnadar
Det ligg fleire landsbyar rundt innsjøen
I Brescia: Iseo - som har gjeve namn til innsjøen. Med breie plassar og ein promenade ved innsjøen. Marone Sale Marasino
I Bergamo: Sarnico - opphavleg ein førhistorisk pålelandsby. Riva di Solto - ein vakker liten fiskelandsby. Lovere - ein gong ein festningsby.
På Montisola: Peschiera Maraglio - ein vakker fiskelandsby Siviano, Sensole og Carzano - fleire fiskelandsbyar Cure - på det høgaste punktet på øya ligg det ein heilagdom.
Dei to mindre øyane Loreto og St. Paul ligg òg i innsjøen.
Bakgrunnsstoff Monte Isola
Kjelde
Kategori:Innsjøar i Italia Kategori:Lombardia