Desdemona er ein av månane til planeten Uranus. Han vart oppdaga på bilete tekne av Voyager 2 den 13. januar 1986. Desdemona er kalla opp etter kona til Othello i William Shakespeare-skodespelet Othello. Han har òg nemninga Uranus X.
Desdemona høyrer til Portia-gruppa av månar rundt Uranus, i lag med Bianca, Cressida, Juliet, Portia, Rosalind, Cupid, Belinda og Perdita. Desse satellittane har likande krinslaup og fotometriske eigenskapar. Månen har ein radius på 32 km og ein geometrisk albedo på 0,08, men utover det veit ein særs lite om Desdemona.
På bileta frå Voyager 2 verkar Desdemona avlang, der storeaksen peikar mot Uranus. Overflata er grå..
Desdemona kan kome til å støyte saman med ein av nabomånane Cressida eller Juliet i løpet av dei neste 100 millionar åra.
Kjelder
Kategori:Uranusmånar Kategori:Himmellekamar oppdaga i 1986