Morgen, morgan eller mari-morgen er eit bretonsk eller walisisk vette i kvendeskapnad, oftast knytt til havet (mor tyder 'hav'). Segner om desse finst og i Bretagne. Dei svarar til våre havfruer, og er kjende for å drukne sjømenn og andre som kjem bort på sjøen, eller å bortføra dei ned i havet og gifta seg med dei.Sébillot, Paul (1904). Le Folk-lore de France, s. 34-36 Dei fekk og skulda for flaumar som øydela avlingar eller landsbyar,Franklin, Anna (2002) The Illustrated Encyclopaedia Of Fairies Vega, London, s. 182. og stormar på havet. I segna om byen Ys er det kongedottera Dahud som fløymer byen, og ho vert omskapt til ein morgen etter dette.The Celtic Review, Volume 3. Willaim Hodge & Company (1907). s. 344.
Morgen er æveleg ung, og er ofte sett på havsbarden der ho sit på stranda og kammar håret sitt. Den eldste kjelda til nemninga er i Vita Merlini av Geoffrey of Monmouth, der herskaren av Avalon er omtalt som «Morgen».Rhys, John (1891) Studies in the Arthurian Legend Clarendon Press, Oxford, s. 348. I segnene om kong Arthur er Morgen eit av namna på The Lady of the Lake (havfrua). I desse segnene meiner mange ein og finn opphavet til forteljinga om Morgana le fay/Morgaine.Sykes, Egerton and Kendall, Alan (2002 ed.) Who's Who in Non-Classical Mythology Routledge, New York, s. 132.
Kjelder
Kategori:Bretonsk folketru Kategori:Walisisk folketru Kategori:Keltiske segner Kategori:Overnaturlege vesen