Svend Aschenberg () var ein norsk prest og stortingsmann. Han var svigerfar til Knud Olsen.
Liv og gjerning Aschenberg var fødd i Molde. Han gjekk på Trondheims latinskule og vart student i 1787. Teologisk eksamen tok han i 1791. 30. mai 1794 vart han utnemnd til sokneprest til Mo i Øvre Telemark. Ei tid var han attåt prost i Øvre Telemark prosti. Han vart, 28. mars 1806, utnemnd til sokneprest til Røros. Aschenberg fekk avskjed i nåde frå embetet 15. februar 1845, etter 39 års teneste. Seks veker seinare døydde han.
«Aschenberg var en av de mest særpregede prester som Bergstaden har hatt, og fortellinger om gammelprosten lever i folkeminnet og litteraturen den dag i dag. Det blir bl.a. sagt at Johan Falkberget baserte romankarakteren Benjamin Sigismund i boka Den Fjerde Nattevakt på Aschenberg.» (Lars Geithe).
Aschenberg var stortingsmann for Søndre Trondhjems amt i 1815-16. Han var då medlem av sju komitear. I 1830 vart han vald til 1. varamann (suppleant), men møtte på Stortinget då den valde representanten, Anders Rambech, sa frå seg valet. Aschenberg var medlem av Lagtinget og av komiteen for næringsvegane.
Han var riddar av Nordstjerneordenen, 1818.
Kjelde Lindstøl, Tallak: Stortinget og Statsraadet 1814-1914. Kristiania, 1914
Bakgrunnsstoff Lars Geithe: Presten Svend Aschenberg Svend Aschenberg Bernt Moe: Biographiske Efterretninger om Eidsvolds-Repræsentanter og Storthingsmænd i Tidsrummet 1814-1845
Kategori:Norske prestar Kategori:Stortingsrepresentantar for Sør-Trøndelag Kategori:Stortingsrepresentantar 1815-1817 Kategori:Stortingsrepresentantar 1830-1832 Kategori:Nordstjerneordenen Kategori:Medlemmar av Det Kongelige Norske Videnskabers Selskab Kategori:Folk frå Molde