Trochilinae er ein av dei seks underfamiliane som utgjer familien kolibriar. Medlemmer av Trochilinae har vore kalla typiske kolibriar og omfattar ca. 170 av alle ca. 365 kolibriartar.
Underfamilien er delt inn i tre biologiske tribus (stammar): Lampornithini («fjelljuvelar») som inneheld 18 artar, Mellisugini («bikolibriar») som inneheld 37 artar og Trochilini («smaragdar») som inneheld 114 artar.
Fylogeni
Kolibriane vart tidlegare delt inn i to underfamiliar, eremittane (Phaethornithinae) og ikkje-eremittar (Trochilinae). Resultata frå ein DNA-hybridiseringsstudie frå 2007 antyda at eremittane var basale for resten av familien.
Ein molekylær fylogenetisk studie av kolibriane publisert i 2007 fann at familien bestod av ni klader. Då Edward Dickinson og James van Remsen Jr. oppdaterte Howard and Moore Complete Checklist of the Birds of the World for den 4. utgåva i 2013, delte dei kolibrifamilien inn i seks underfamiliar baserte på dei molekylære resultata og omdefinerte underfamilien Trochilinae til å innehalde tre klader, som dei plasserte i kvar sin stamme: Lampornithini («fjelljuvelar»), Mellisugini («bikolibriar»), og Trochilini («smaragdar»). Ein omfattande fylogenetisk studie som tok prøver av 284 kolibriartar vart publiserte i 2014. Den stadfesta dei ni kladene som vart funne i den tidlegare studien, men fann at eremittane var søsterklade til topaskladen (i underfamilien Florisuginae) som inneheld slektene Topaza og Florisuga. Mange av dei tradisjonelle slektene i smaragdkladen (Trochilini) vart viste å vere polyfyletiske. Som eit resultat har mange av slektene i denne delen av treet vorte reviderte.
Kladogram for kolibrifamilien:
Oversyn over slekter Liste over biologiske slekter i Trochilinae i rekkjefølgje etter IOC World Bird List V13.1, 2023, med norske namn etter Norske navn på verdens fugler. Utvalet av slekter og namn på stammar og tribus er etter HBW and BirdLife Taxonomic Checklist. Stamme Lampornithini, «fjelljuvelar», 18 artar Slekt Sternoclyta, Skjoldkolibri, Sternoclyta cyanopectus Slekt Hylonympha, Saksekolibri, Hylonympha macrocerca Slekt Eugenes, 2 artar Slekt Panterpe, Eldstrupekolibri, Panterpe insignis Slekt Heliomaster, 4 artar Slekt Lampornis, 8 artar Slekt Lamprolaima, Granatkolibri, Lamprolaima rhami
Stamme Mellisugini, «bikolibriar», 37 artar Slekt Calliphlox, Ametystkolibri, Calliphlox amethystina Slekt Myrtis, Turkiskinnkolibri, Myrtis fanny Slekt Rhodopis, Vesperkolibri, Rhodopis vesper Slekt Myrmia, Stumpstjertkolibri, Myrmia micrura Slekt Thaumastura, Pinsettkolibri, Thaumastura cora Slekt Philodice, 2 artar Slekt Eulidia, Aricakolibri, Eulidia yarrellii Slekt Microstilbon, Smalhalekolibri, Microstilbon burmeisteri Slekt Chaetocercus, 6 artar Slekt Tilmatura, Signalhalekolibri, Tilmatura dupontii Slekt Doricha, 2 artar Slekt Calothorax, 2 artar Slekt Archilochus, 2 artar Slekt Mellisuga, 2 artar Slekt Nesophlox, 2 artar Slekt Calypte, 2 artar Slekt Selasphorus, 9 artar
Stamme Trochilini, «smaragdar», 114 artar Slekt Phaeoptila, Dunkelkolibri, Phaeoptila sordida Slekt Riccordia, 4 artar Slekt Cynanthus, 6 artar Slekt Chlorostilbon, 10 artar Slekt Basilinna, 2 artar Slekt Pampa, 3 artar Slekt Abeillia, Smaragdstrupekolibri, Abeillia abeillei Slekt Klais, Fioletthovudkolibri, Klais guimeti Slekt Orthorhyncus, Toppkolibri, Orthorhyncus cristatus Slekt Anthocephala, 2 artar Slekt Stephanoxis, 2 artar Slekt Campylopterus, 10 artar Slekt Chalybura, 2 artar Slekt Thalurania, 4 artar Slekt Microchera, 3 artar Slekt Goldmania, 2 artar Slekt Eupherusa, 5 artar Slekt Phaeochroa, Skjelbrystkolibri, Phaeochroa cuvierii Slekt Leucippus, Ferskenkolibri, Leucippus fallax Slekt Thaumasius, 2 artar Slekt Taphrospilus, Ertekolibri, Taphrospilus hypostictus Slekt Eupetomena, 2 artar Slekt Talaphorus, Olivenkolibri, Talaphorus chlorocercus Slekt Trochilus, 2 artar Slekt Ramosomyia, 3 artar Slekt Saucerottia, 11 artar Slekt Amazilia, 5 artar Slekt Amazilis, Amaziliakolibri, Amazilis amazilia Slekt Uranomitra, Andeskolibri, Uranomitra franciae Slekt Chrysuronia, 9 artar Slekt Leucochloris, Kvitstrupekolibri, Leucochloris albicollis Slekt Chionomesa, 2 artar Slekt Hylocharis, 2 artar Slekt Elliotomyia, 2 artar Slekt Polyerata, 3 artar Slekt Chlorestes, 5 artar
Kjelder
Artikkelen inneheld omsett tekst frå «Trochilinae» frå , den 15. april 2023
Referansar
Kategori:Kolibrifamilien