Ryan William Nelsen () er ein newzealandsk fotballspelar som har spela i forsvar for Blackburn Rovers i engelsk Premier League, og for New Zealand sitt landslag.
Nelsen drog til USA i 1997 for å spela college-fotball for Greensboro College i North Carolina. Frå 1999 til 2001 studerte og spelte han for Stanford University. Han vart uteksaminert med bachelorgrad i statsvitskap. I 2001 gjekk han til DC United i den amerikanske proffligaen Major League Soccer. I 2003 vart han lagkaptein for klubben. I januar 2005 gjekk han på gratis overgang til Blackburn Rovers i engelsk Premier League. I 2007 vart han klubbkaptein for Blackburn.
Nelsen debuterte for New Zealand sitt A-landslag i ein kamp mot Polen 19. juni 1999. Han var landslagskaptein for New Zealand under kvalifiseringa til fotball-VM i 2010, då New Zealand kvalifiserte seg til VM for første gong sidan 1982.
Kategori:Newzealandske fotballspelarar Kategori:Blackburn-spelarar Kategori:Newzealandske deltakarar under sommar-OL 2008 Kategori:Fotballspelarar under sommar-OL 2008 Kategori:Newzealandske deltakarar under sommar-OL 2012 Kategori:Fotballspelarar under sommar-OL 2012