Pjotr Venjaminovitsj Svidler eller Peter Svidler ( i Leningrad) er ein russisk sjakkspelar, stormeister i sjakk. Han har vunne den russiske meisterskapen i sjakk heile seks gongar, i 1994, 1995, 1997, 2003, 2008 og 2011Chessbase om den russiske meisterskapen 2011, vitja 17. august 2011. Han har også ein delt andreplass i VM i sjakk 2005.

VM-deltaking Han delte andreplassen med Viswanathan Anand i FIDE-VM i sjakk i 2005 med 8,5 poeng på 14 parti, 1,5 poeng etter vinnaren Veselin Topalov. Denne andreplassen gav han ein plass i VM i sjakk 2007. Der vart han nummer 5 av åtte deltakarar, med 6,5 poeng av 14 moglege.

Sjakk-karriere - nokre resultat Svidler lærte å spele sjakk då han var seks år. I 1992 delte han førsteplassen med Ragim Gasimov i Den opne Sovjetmeisterskapen for juniorar.

Han blei stormeister i 1994.

Han delte førsteplassen med Vladimir Kramnik og Michael Adams i Dortmund i 1998.

Han vann Biel internasjonale sjakkfestival i 2000.

I 2001 nådde han semifinalen i FIDE-VM i sjakk 2002. Han tapte semifinalekampen mot den seinare verdsmeisteren Ruslan Ponomarjov.

I 2006 vart han nummer to etter Alexander Grisjtsjuk ved Verdsmeisterskapen i lynsjakk i Rishon Lezion, Israel, med 10,5 poeng på 15 parti.

Han delte førsteplassen med Vladimir Kramnik i Dortmund i 2006.

Chess960 Svidler er sterk i såkalla Fischer Random Chess, også kalla Chess960. Han vann den første utgåva av Chess960 Open i Mainz, Tyskland. I Mainz Chess Classic i 2003 vart han verdsmeister i Chess960 ved å slå Péter Lékó i ein tvikamp over åtte parti. Han forsvarte denne tittelen to gongar, ved å slå Levon Aronian i 2004 og Zoltán Almási i 2005, før han tapte mot Aronian i 2006.

Rating Topp FIDE-rating for Pjotr Svidler var 2765, i januar 2006. Han hadde per 1. mai 2010 ein FIDE-rating på 2735, noko som gir ein 15. plass på verdsrankinga til FIDE.

Fotnotar

Bakgrunnsstoff Offisiell heimeside for Pjotr Svidler Peter Svidler sine sjakkparti hos Chessgames.com Ratingkort for Peter Svidler hos FIDE Intervju med Pjotr Svidler frå 2005

Kategori:Folk frå St. Petersburg Kategori:Stormeistrar i sjakk Kategori:Russiske sjakkspelarar