Peter Theodor Holst () var ein norsk offiser, embetsmann og Venstre-politikar. Han var forsvarsminister i Steen-regjeringane 1891-93 og 1898-1900,
Holst var fødd i Trondheim, far hans var offiser. Sjølv vart han sekondløytnant i kavaleribrigaden i 1863. Han steig i gradane til premierløytnant 1869 og rittmeister 1881. Oberstløytnant i kavaleriet i 1893, generalmajor i 1899.
Åra 1870-89 var Holst gardbrukar i Verdal, 1889-91 dreiv han ein gard i Levanger herad. 1887-91 var han vegmeister i Nord-Trøndelag. Holst var ordførar i Verdal 1882-89 og forlikskommissær 1884-89. Han var formann i fylkeslandbruksselskapet og formann i tilsynskomiteen for Meråkerbanen.
Holst sat fire valperiodar på Stortinget, innvald frå Nordre Trondhjems amt. Han var medlem av miltærkomiteen 1889-90, formann i same 1891 og 1895-97.
Frå mars 1891 og i to år framover var Holst forsvarsminister i Johannes Steen si fyrste regjering. Han var forsvarsminister på ny i Steen si andre regjering frå februar 1898. Han gjekk ut av statrådet hausten 1900.
Holst var amtmann i Kristians amt frå han gjekk ut av regjeringa. Han flytta amtmannskontoret frå Lillehammer til Gjøvik. Holst styrte amtmannsembetet til han døydde brått i Gjøvik i 1908.
Kjelder Lindstøl, Tallak: Stortinget og Statsraadet 1814-1914. Kristiania, 1914
Digitalpensjonatet
Kategori:Norske forsvarsministrar Kategori:Norske statsrådar 1884-1905 Kategori:Norske amtmenn Kategori:Fylkesmenn i Oppland Kategori:Stortingsrepresentantar 1886-1888 Kategori:Stortingsrepresentantar 1889-1891 Kategori:Stortingsrepresentantar 1895-1897 Kategori:Stortingsrepresentantar 1898-1900 Kategori:Stortingsrepresentantar for Nord-Trøndelag Kategori:Stortingsrepresentantar frå Venstre Kategori:Folk frå Trondheim