Robert Eriksson () er ein norsk politikar frå Framstegspartiet og arbeidsminister 2013-15 i regjeringa Solberg. Han var vald inn på Stortinget frå Nord-Trøndelag fylke i 2005 og representerte fylket på Tingert til 2013. Periodane 1997–2005 var han vararepresentant til Stortinget.
Eriksson har ufullførte studiar i økonomi frå Høgskolen i Nord-Trøndelag, og arbeidde frå 1996 i og for partiet som organisasjonssekretær i FpU (1996–1997), valkampleiar for Framstegspartiet i 1997, og som politisk rådgivar for stortingsgruppa til partiet frå 1997 til 2001, med ansvar for Næringskomiteen og Olje-, energi- og miljøkomiteen. Han arbeidde som dagleg leiar ved TrygVestas salssenter på Levanger frå 2001 til 2005.
Eriksson var fylkesleiar i Framstegspartiet sin Ungdom (FpU) frå 1991 til 1994, leiar i Verdal FrP frå 1992 til 1993, nestleiar i FpU frå 1998 til 2000, og leiar i Nord-Trøndelag FrP frå 2002. Han er leiar i Verdal fotball sidan 2002.
Han var medlem av fylkestinget i Nord-Trøndelag frå 1995 til 2005, og sat i fylkesutvalet frå 1999 til 2003. Han sat også i kommunestyret i Verdal frå 1991 til 2005, frå 1991 til 1997 også i formannskapet.
Stortingskomitear 2009–2013 leiar i Arbeids- og sosialkomiteen 2005–2009 medlem i Arbeids- og sosialkomiteen
Bakgrunnsstoff
Robert Eriksson hos Framstegspartiet
Kategori:Norske arbeidsministrar Kategori:Statsrådar i Regjeringa Solberg Kategori:Frp-statsrådar Kategori:Stortingsrepresentantar frå FrP Kategori:Stortingsrepresentantar for Nord-Trøndelag Kategori:Stortingsrepresentantar 2009-2013 Kategori:Stortingsrepresentantar 2005-2009 Kategori:Lokalpolitikarar i Verdal Kategori:FrP-politikarar i Nord-Trøndelag Kategori:Norske bedriftsleiarar Kategori:Folk frå Levanger