mini|Protestar i Hongkong mot arrestasjonen av Liu Xiaobo etter at han hadde underteikna Charta 08. Liu Xiaobo () var ein kinesisk litteraturvitar og regimekritikar fødd i Changchun i Jilin-provinsen i Folkerepublikken Kina. Han blei tildelt Nobels fredspris i 2010 «for hans lange og ikke-voldelige kamp for sentrale menneskerettigheter i Kina».«Nobels Fredspris 2010», nobelpeaceprize.org
Yrkesbakgrunn Liu tok fil.kand.-graden i litteratur ved Jilinuniversitetet i 1982 og ein magistereksamen i litteratur ved Beijings pedagogiske universitet. Ved same universitetet tok Liu deretter doktorgraden i litteratur i 1988. Han var gjesteforskar ved fleire utanlandske institusjonar, mellom anna ved Austasiatisk Institutt ved Universitetet i Oslo (tre månadar), University of Hawaii og Columbia University.
Politisk aktivitet Liu var lenge kjend som ein frittalande kritikar av Kinas kommunistiske parti og han var aktiv i protestane på Den himmelske freds plass i 1989, noko som førte til fridomstap for to år samt til at han miste stillinga si ved Beijing pedagogiske universitet. På 1990-talet var han politisk aktiv i demokratirørsla, og blei av og til arrestert av politiet for aktivitetane sine.
I desember 2008 underteikna han eit politisk manifest for meir demokrati i Kina, Charta 08, i lag med eit hundretal andre intellektuelle. Kort tid etterpå blei han arrestert. Den 25. desember 2009 blei han dømd til 11 års fengsel,http://www.nytimes.com/aponline/2009/12/24/world/AP-AS-China-Dissident-Sentence.html?_r=1 og sat fengsla i Jinzhou-fengselet i Liaoning-provinsen nordaust i Kina.«Liu Xiabos kone: -En stor ære» Aftenposten 8. oktober 2010
Nobels fredspris for 2010 mini|Frå tildelinga av fredsrpisen. Fråveret til Liu var markert med ein tom stol. Liu Xiaobo fekk i 2010 Nobels fredspris.«Liu Xiaobo får Nobels fredspris», Aftenposten 8.oktober 2010 Mellom dei som nominerte han til fredsprisen var Václav Havel, den amerikanske PEN-klubben, ei gruppe amerikanske kongressmedlemer og stortingsrepresentant Jan Tore Sanner.
Død
I mai 2017 blei han diagnostisert med framskriden leverkreft. Dei kinesiskes styresmaktene nekta å frigje han for eventuell behandling utanlands. Han blei halden under overvaking ved eit sjukehus i Shenyang, og døydde få veker seinare.
Liu Xia, kona til Liu, blei sett i husarrest etter nobelpristildelinga. Ho blei sett fri etter åtte år, eit år etter at mannen døydde, i juli 2018.
Kjelder Denne artikkelen byggjer på «Liu Xiaobo» frå , den 9. oktober 2010. Den norske Facebook-sida: "Frigi Lui Xiaobo"
Bakgrunnsstoff That Holy Word "Revolution", artikkel av Liu Xiaobo (på engelsk). Liu Xiaobos skrifter (på kinesisk) Dommen mot Liu Xiaobo (engelsk) Presentasjon av Liu Xiaobo nobelpeaceprize.org Fri Liu Xiaobo Nå
Kategori:Folk frå Changchun Kategori:Vinnarar av Nobels fredspris Kategori:Kinesiske nobelprisvinnarar Kategori:Kinesiske forfattarar