Daddel er frukta frå daddelpalmen (Phoenix dactylifera) i daddelpalmeslekta i palmefamilien. Ein dyrkar dadlar i tørre delar av Asia og Nord-Afrika, særleg i oasar. Daddeldyrking er særleg viktig i Midtausten.
Skildring Daddelpalmen er eit mellomstort tre, 15-25 meter høgt, som kan ha fleire stammar frå same rotsystemet eller ein enkel stamme. Blada er 3-5 meter lange.
mini|venstre|Dadlar på treet.
Dadlar Daddelfrukta er eigenleg eit bær som inneheld eitt frø. Ein har brukt dadlar til mat i Midtausten i tusenvis av år. Dei har vore dyrka frå Mesopotamia til Egypt, kanskje så tidleg som 4000 f.Kr Arkeologiske funn tyder på at dadlar kan ha vore kultiverte aust i Arabia i 6000 f.Kr
mini|Aveny av daddelpalmar i Anaheim i California.
Dyrking Daddelpalmar blir dyrka for frukta, for å gje ly og som prydplante.
Verdas eldste spirande frø Eit 2000 år gammalt daddelfrø frå Masada nær Daudehavet vart i 2008 det eldste frøet i verda ein har fått til å spira.Connor, Steve: 2,000-year-old seed grows into 'tree of life' for scientists, The Independent, 13. juni 2008 Førebels undersøkingar har vist at planta deler omtrent halvparten av DNA-et med tre moderne variantar av daddelpalmen, frå Egypt, Irak og Marokko.
Daddel i kulturen Daddelpalmen har lenge vore ein viktig kulturplante i området ho veks i. Han er nemnd fleire gonger i Bibelen og Koranen, og blir mellom anna nytta til å byggja lauvhytter under den jødiske sukkothøgtida. Palmegreinene er mellom anna eit symbol for siger, og kan brukast til å markera palmesundag. Innan islam er det vanleg å bryta fasta under ramadan med dadlar og vatn. Ifølgje tradisjonen likna Muhammed ein god truande med daddelpalmen.Bukhari, Hadith 3:411, fortald av Ibn 'Umar
Daddelpalmen er eit nasjonalsymbol for Saudi-Arabia, som nytter han i riksvåpenet. Han er også avbilda på pengar og frimerke frå Algerie, Libya og Tunisia.Date Palm ved foodmuseum.com
Daddelpalme i Noreg I Noreg er daddelpalme ein framandart som er innført som matvare, og det er funne frøplanter som har spira på deponi for matavfall kring Oslofjorden og i Trøndelag frå 1950.
Kjelder
Denne artikkelen bygger på «Daddelpalme» frå , den 6. november 2010. Martha Modzelevich, Phoenix dactylifera, Date Palm, Tamr תמר מצוי , تمر, Flowers in Israel Najma Mohamed, Plants of the Qur'an: The Date Palm, islamonline.net, 2011-01-20
Bakgrunnsstoff
Date Palm Cultivation. FAO PLANT PRODUCTION AND PROTECTION PAPER 156, Rev. 1.
Kategori:Frukt Kategori:Daddelpalmeslekta Kategori:Saudiarabiske nasjonalsymbol Kategori:Plantar i Egypt Kategori:Plantar i Eritrea Kategori:Plantar i Libanon Kategori:Plantar i Libya Kategori:Plantar i Pakistan Kategori:Plantar i Saudi-Arabia Kategori:Plantar i Dei sameinte arabiske emirata Kategori:Planteliv i Nord-Afrika Kategori:Planteliv i Sahara Kategori:Planteliv på Den arabiske halvøya Kategori:Medisinplantar Kategori:Plantar i Bibelen Kategori:Plantar i Koranen Kategori:Plantar i islam Kategori:Plantar i jødedommen Kategori:Plantar i kristendommen