Hans Larsson Saakvitne () var ein norsk lærar, gardbrukar, lensmann og stortingsmann for Venstre frå Granvin.
Saakvitne var son av ein gardbrukar. Etter eit kort opphald på Voss lærarskule, var han frå 1859 til 1866 lærar, og frå 1863 til -67 gardbrukar på farsgarden. Frå 1867 til 1892 var han gardbrukar på Nesheim i Granvin. Såkvitne var lensmann i Vossestrand 1892-1901, budde då på Oppheim i Vossestrand. 1901-10 var han lensmann i Ulvik, flytta då til Skeie i Ulvik og busette seg der.
Saakvitne var ordførar i Ulvik 1876-88 og 1890-91. Deretter ordførar i Granvin 1891-92, etter Ulvik-heradet var delt i tre nye herad. Han var forlikskommissær 1871-92, formann i amtsskattekommisjonen 1892-94 og formann i skulestyret.
Saakvitne var stortingsmann for Søndre Bergenhus amt 1883-88 og 1898-1900 og for Hardanger krins 1906-09. Han var 1. varamann for perioden 1880-82 og møtte på Stortinget fyrste gongen i 1880 frå den 9. april, som medlem av næringskomite nr 1. Perioden 1883-85 var han medlem av næringskomite nr 2, 1886-88 av Lagtinget og justiskomite nr 1. Under åra 1898-1900 var han sekretær i Lagtinget og medlem av konstitusjonskomiteen og den militære straffelovskomiteen, 1899-sesjonen var han og med i valkomiteen. I si siste periode på Stortinget, 1906-09, var han medlem av Lagtinget og 1906-07 av sosialkomiteen, samt 1908-09 av konstitusjonskomiteen. Saakvitne var medlem av sivilprosesskommisjonen av 1908.
Han døydde på Skeie i Ulvik i 1910.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1880-1882 Kategori:Stortingsrepresentantar 1883-1885 Kategori:Stortingsrepresentantar 1886-1888 Kategori:Stortingsrepresentantar 1898-1900 Kategori:Stortingsrepresentantar 1907-1909 Kategori:Stortingsrepresentantar for Hordaland Kategori:Stortingsrepresentantar frå Venstre Kategori:Ordførarar i Granvin Kategori:Ordførarar i Ulvik Kategori:Norske lærarar Kategori:Norske gardbrukarar Kategori:Folk frå Granvin