Orm Hansson Øverland () var ein norsk gardbrukar og stortingsmann frå Nedstrand i Rogaland. Hans Øverland var sonen hans.
Far hans var gardbrukar. Sjølv vart han oppfostra hos ein farbror og overtok i 1809 garden hans. Han var lensmann frå 1819, og slutta som gardbrukar i 1847.
Øverland var stortingsmann for Stavanger amt i 1815-16, 1821 og 1822. På omframstortinget 1815-16 var han medlem av fire komitear, mellom dei var komiteen om landbruk, skogbruk og bergdrift og komiteen om allmugeskulelova. I 1821 var han medlem av tolv komitear, der i mellom om fisket ved Skudenes, om hummarfisket, om Tromsø seminar og allmugeskulestellet samt om brennevinsbrenning på landet. Han var elles sekretær i komiteen om Smaalenssaka.
Tildelt borgardådsmedaljen i sølv.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Norske gardbrukarar frå 1800-talet Kategori:Stortingsrepresentantar 1815-1817 Kategori:Stortingsrepresentantar 1821-1823 Kategori:Stortingsrepresentantar for Rogaland Kategori:Medaljen for borgardåd Kategori:Folk frå Tysvær