Johan Kristian Schjefloe () var ein norsk lærar, gardbrukar og stortingsmann frå Sparbu i Nord-Trøndelag.
Far hans var gardbrukar på Seim i Sparbu og styrar av eit verk. Schjefloe var skulehaldar i Sparbu frå 1809, frå 1814 var han også gardbrukar på farsgarden. Han var medlem av heradsstyret 1838-50, ordførar 1838-42. Vidare var han forlikskommissær 1841-45 og kyrkjeverje i 29 år, samt vaksinatør i over 20 år.
Schjefloe representerte Nordre Trondhjems amt på Stortinget 1824-28 og 1833-37. Både i 1824 og 1827 var han medlem av komiteen for jordbruk og fedrift. I 1833 var han medlem av komitear vedkomande gasjar, pensjonar, budsjett og skattestell, medan han i 1836 var med i budsjettkomiteen og på omframstortinget 1836-37 om utreiarlova av 1824.
Ved valet til 1830-stortinget vart det hindra at han vart vald.
Schjefloe døydde på garden sin i Sparbu i 1853.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1824-1826 Kategori:Stortingsrepresentantar 1827-1829 Kategori:Stortingsrepresentantar 1833-1835 Kategori:Stortingsrepresentantar 1836-1838 Kategori:Stortingsrepresentantar for Nord-Trøndelag Kategori:Ordførarar i Sparbu Kategori:Norske lærarar Kategori:Norske gardbrukarar Kategori:Folk frå Steinkjer