Andreas Grimelund () var ein norsk gardbrukar, prest og biskop frå Aker i Akershus. Hans Hanssen Grimelund var far hans, Hans Grimelund bror hans.
Grimelund vart cand. theol. og var så i nokre år gardbrukar. Frå 1844 til 1852 var han prest. Perioden 1852-61 var han lærar i pastoralteologi, homiletikk og liturgikk ved det praktisk-teologiske seminar i Christiania.
Grimelund var biskop i Trondheim frå 1861 til 1883. Han var medlem av ein salmebokkomite og to salmebokkommisjonar. I 1852 gjaldt det ei revidering av Evangelisk-christelig Psalmebog.Norges kirkehistorie i det 19. århundre II, s. 75 Den fyrste salmebokkommisjonen, 1865, skulle vurdere eit utkast til salmebok frå Magnus Brostrup Landstad.Norges kirkehistorie i det 19. århundre II, s. 77f I 1868 fekk ein ny kommisjon, med same medlemene, i oppgåve å vurdere eit salmebokutkast vald ut av Andreas Hauge.Norges kirkehistorie i det 19. århundre II, s. 84 Elles skreiv han om praktisk teologi.
Han døydde i Kristiania i 1896. Sonen Johannes Grimelund var i samtida ein kjend kunstmålar.
Utmerkingar Grimelund vart utnemnd til riddar av St. Olavs Orden i 1862 og fekk kommandørkrossen av 1. klasse i 1873.
Kjelder Gyldendals store konversasjonsleksikon. 1972 Molland, Einar:Norges kirkehistorie i det 19. århundre, I-II. 1979
Notar
Kategori:Norske biskopar Kategori:St. Olavs Orden Kategori:Folk frå Oslo Kategori:Ordførarar i Aker