Chipping Ongar

Chipping Ongar (ofte kalla berre Ongar) er ein by i Essex i England.

Han var i mellomalderen ein viktig marknadsby, som låg i sentrum av eit hundred. Det låg eit normannisk slott der, og soknekyrkja er for ein stor del bygd med gjenbrukte tegl frå romersk tid.

Byen var elles mest kjend for Ongar undergrunnsstasjon, som var den nordlegaste stasjonen på London undergrunnsbane inntil han vart nedlagd i 1994. Det er seinare opna ei vanleg toglinje dit, Epping Ongar Railway.