mini|Air Jordan-sko med namnetrekket til basketballspelaren Michael Jordan. Jordan er eit namn som opphavleg blei brukt om Jordanelva i Midtausten, og tyder «går nedover». Namnet skal opphavleg ha blitt gjeve til barn som blei døypte med vatn frå elva som krosstogfararane hadde teke med tilbake til Europa. Det er blitt til eit førenamn for begge kjønn, eit etternamn, og namnet på den moderne staten Jordan. I Noreg er verksemda Jordan A/S kjend for å laga munnhygieneprodukt, som tannbørstar og liknande.
Namnet finst som Jourdain på fransk, Iordan på bulgarsk og Giordano på italiensk. På nederlandsk bruker ein Jordaan, med kortforma Joord. Judd er ei engelsk kortform.
Medan det opphavleg var eit mannsnamn, er Jordan blitt gjeve som førenamn til jenter sidan slutten av nittenhundretalet i den engelskspråklege verda. I USA er namnet blant dei 100 mest populære dåpsnamna for begge kjønn. I Noreg er namnet i bruk, men uvanleg.
Kjende namneberarar
mini|Henryk Jordan Fornamn Jordan av Bristol, engelsk helgen frå 600-talet Biskop Jordan av Polen (d. 982 eller 984), den fyrste biskopen av Polen Jordan Fantosme (d. ca. 1185), anglo-normannisk historikar og poet Giordano Bruno (1548-1600), italiensk filosof Jordan Rudess (f. 1956), amerikansk keyboardspelar Jordan B. Peterson (f. 1962), kanadisk klinisk psykolog og psykologiprofessor Jordan Officer (f. 1976), kanadisk gitarist Jordan Ifueko (f. 1993), nigeriansk-amerikansk forfattar
Etternamn Camille Jordan (1838-1922), ein fransk matematikar Henryk Jordan (1842–1907), polsk filantrop, lege og gymnastikkpioner Robert Jordan (1948-2007), løyndenamn for forfattaren James Oliver Rigney, Jr., teke frå romanen For Whom the Bell Tolls Eddie Jordan (1948-2025), irsk millionær og eigar av eit Formel 1-lag Neil Jordan (f. 1950), irsk filmregissør og forfattar Michael Jordan (f. 1963), amerikansk basketballspelar
Kjelder
Kategori:Mannsnamn Kategori:Slektsnamn Kategori:Førenamn av hebraisk opphav