Party er det sjette studioalbum til Iggy Pop, gjeve ut i juni 1981. For dette albumet samarbeidde Iggy med Ivan Kral, som er mest kjend som gitarist og bassist for Patti Smith i 1970-åra. Albumet nådde 166. plass på albumlista i USA.
Då Arista høyrte albumet henta dei inn tidlegare Monkee-produsent Tommy Boyce for å mikse «Bang Bang» på ny. Songen vart gjeven ut som singel og nådde 35. plass på klubb-lista til Billboard og vart seinare spelt inn av David Bowie. I følgje sjølvbiografien til Iggy Pop, I Need More, skreiv han «Bang Bang» fordi Arista Records ønskte ein singel og han lovde dei eit kommersielt album. Han ønskte seg opphavleg Phil Spector eller Mike Chapman til å produsere songen. Iggy hevda han fekk ideen til songen frå å lese All the Right Stuff på ein lokal bokhandel.
Party er det siste av tre Pop-album for Arista Records, etter New Values og Soldier. Party-turneen vart dokumentert på DVDen Live in San Francisco. Buddha Records gav i 2000 ut albumet på ny med to bonusspor.
Songen «Pumpin' for Jill» vart nytta i fjernsynsshowet Chuck i episoden «Chuck Versus the Ex».
Medverkande Iggy Pop – vokal Ivan Kral – gitar, klaverinstrument Rob Duprey – gitar Michael Page – bass Douglas Bowne – trommer Jimmy Whizner – arrangement på «Sea of Love», «Bang Bang», «Time Won't Let Me» The Uptown Horn – Blåsarar på «Pleasure», «Sincerity», «Houston Is Hot Tonight», «Happy Man»
Kjelder Denne artikkelen bygger på «Party (Iggy Pop album)» frå , den 18. oktober 2011. oppgav desse kjeldene:
Kategori:Musikkalbum frå 1981 Kategori:Iggy Pop-album Kategori:Arista Records-album Kategori:Album produserte av Thom Panunzio