Ian Russell Wallace () var ein trommeslagar innan både rock og jazz, mest synleg som medlem av progrockbandet King Crimson frå 1971 til 1972 og som studiomusikar for mange artistar.
Wallace starta det første bandet sitt, The Jaguars, på skulen, før han vart med i The Warriors med Jon Anderson i tida før Anderson vart med i Yes. Wallace spelte ein gong med Yes i november 1968 medan Bill Bruford hadde ein pause frå bandet.
Frå The Warriors gjekk Wallace til Big Sound. I 1960-åra arbeidde Big Sound i Danmark, Noreg og Sverige som bandet til den danske artisten Nalle. Då Big Sound gav seg under ein turne i Noreg i 1967, flytta Wallace til London og starta å spele for artistar som Sandie Shaw, David Garrick, Marv Johnson og Lou Christie.
Wallace vart så med i Vivian Stanshall sitt Bonzo Dog Doo Dah Band, og så The World med Neil Innes før King Crimson. Han var med på albumet Islands i 1971, og konsertalbumet Earthbound i 1972, samt fleire seinare arkivutgjevingar. I mai 1972, mot slutten av ein amerikansk turn, forlet han Crimson-medlem Mel Collins og Boz Burrell bandet og starta å arbeide for Alexis Korner sitt Snape.
Wallace arbeidde så med Peter Frampton i 1975. Han vart invitert med i bandet til Bob Dylan i 1978 og var med på turneen hans i Japan. Den tunge trommestilen til Wallace var den drivande krafta på albumet Street-Legal.
Andre artistar Wallace arbeidde med var Ry Cooder i 1979 og Don Henley i 1980- og 1990-åra, samt El Rayo-X med David Lindley, Bonnie Raitt, Joe Walsh, Bob Dylan, Johnny Hallyday, Keith Emerson, Roy Orbison, Jackson Browne, the Traveling Wilburys, Eric Clapton, Jon Anderson, Alvin Lee, Crosby, Stills and Nash, the Quireboys, Brian Eno, Larry Coryell, Stevie Nicks, Lindsey Buckingham, Steve Marriott, Badger, Al Kooper, Tim Buckley, Lonnie Mack, Procol Harum (1993-turneen) og Warren Zevon.
Ein kort periode danna Wallace The Teabags i Los Angeles med Peter Banks (tidlegare i Yes), Jackie Lomax (tidlegare Badger), David Mansfield, Kim Gardner (òg frå Badger) og Graham Bell.
I 2003 vart han med i 21st Century Schizoid Band, der han igjen erstatta King Crimson-trommis Michael Giles, og gav ut det einaste soloalbumet sitt, Happiness With Minimal Side Effects. I 2005 danna han Crimson Jazz Trio med Tim Landers på bass og Jody Nardone på piano, som gav ut King Crimson Songbook Volume One i november 2005 og King Crimson Songbook Volume Two tidleg i 2009.
Wallace fekk kreftdiagnose i 2006 og døydde 60 år gammal i 2007.
Utvald diskografi 1970: The World – Lucky Planet 1971: King Crimson – Islands 1972: Billy Burnette – Billy Burnette 1973: Alexis Korner & Snape – Accidentally Born in New Orleans 1973: Jackson Heights – Bump & Grind 1973: Alvin Lee & Mylon LeFevre – Road to Freedom 1973: Esther Phillips – Black-Eyed Blues 1974: Alexis Korner – Alexis Korner 1974: Big Jim Sullivan – Big Jims Back 1974: Alvin Lee – In Flight 1974: Alexis Korner – Mr. Blues 1974: Alexis Korner – Snape Live on Tour 1975: Steve Marriott – Marriott 1975: Alvin Lee – Pump Iron! 1978: Bob Dylan – Street-Legal 1979: Bob Dylan – Bob Dylan At Budokan 1981: Ronnie Wood – 1234 1981: David Lindley – El Rayo-X 1982: Don Henley – I Can't Stand Still 1982: David Lindley & El Rayo-X – Win This Record 1983: Jon Anderson – Animation 1983: Stevie Nicks – Wild Heart 1984: Don Henley – Building the Perfect Beast 1986: Graham Nash – Innocent Eyes 1986: Jackson Browne – Lives in the Balance 1986: Bonnie Raitt – Nine Lives 1988: Traveling Wilburys – Traveling Wilburys, Vol. 1 1989: Roy Orbison – Mystery Girl 1990: London Quireboys – Little Bit of What You Fancy 1995: Alvin Lee & Ten Years After – Pure Blues 1995: Joe Walsh – Robocop: The Series Soundtrack 1996: Johnny Hallyday – Destination Vegas 1998: King Crimson – Live at Jacksonville, 1972 2000: Billy Burnette – Are You With Me Baby 2000: King Crimson – Live at Summit Studios: Denver, 03/12/1972 2000: Alvin Lee & Ten Years After – Solid Rock 2001: Rodney Crowell – Houston Kid 2001: King Crimson – Live in Detroit 1971 2002: King Crimson – Earthbound 2002: King Crimson – Ladies of the Road 2003: The Warriors – Bolton Club '65 2003: Ian Wallace – Happiness With Minimal Side Effects 2003: King Crimson – Live in Orlando, 1972 2003: Bob Dylan – Street-Legal [Remastered] 2005: Fission Trip – Fission Trip, Volume One 2005: Adrian Belew – Side One 2005: Crimson Jazz Trio – King Crimson Songbook, Volume One 2006: 21st Century Schizoid Band – Pictures of a City: Live in New York 2007: Traveling Wilburys – Traveling Wilburys 2007: Steve Marriott's All Stars – Wam Bam 2009: Crimson Jazz Trio – King Crimson Songbook, Volume Two
Kjelder Denne artikkelen bygger på «Ian Wallace (drummer)» frå , den 12. mai 2012. oppgav desse kjeldene:
Bakgrunnsstoff Offisiell nettstad Crimson Jazz Trio-side
Kategori:Engelske trommeslagarar Kategori:King Crimson-medlemmar Kategori:Folk frå Bury Kategori:Procol Harum-medlemmar