Thomas Lars Wassberg () frå Lennartsfors er ein svensk, tidlegare langrennsløpar. Mellom 1980 og 1988 vann han fire individuelle OL- og/eller VM-gull, samt tre gullmedaljar i stafett. I alt vann han elleve OL/VM-medaljar.
Wassberg vann verdscupen i 1977. Seinare vart han nummer to i same i fire sesongar. Han tevla som medlem av Åsarna IK.
Medaljar i internasjonale meisterskap Vinter-OL 1980 i Lake Placid: Gullmedalje på 15 km Ski-VM 1982 i Oslo: Gullmedalje på 50 km Vinter-OL 1984 i Sarajevo: Gullmedalje på 50 km og på 4 x 10 km stafett Ski-VM 1985 i Seefeld: Sølvmedalje på 15 km, bronse på 4 x 10 km stafett Ski-VM 1987 i Oberstdorf: Gull på både 30 km og i 4 x 10 km stafett, sølv på 15 km og på 50 km Vinter-OL 1988 i Calgary: Gullmedalje på 4 x 10 km stafett
Gullmedaljar i svenske meisterskap 1979: 15 km og 30 km 1980: 15 km, 30 km og 50 km 1981: 30 km 1982: 15 km 1983: 15 km
Frå 1980 til 1988 vann Åsarna IK med Wassberg på laget sju av dei ni SM-stafettevlingane. Også Jan Ottosson var med på alle stafettlaga, medan Hans Persson (5 gongar) og Torgny Mogren (2) kompletterte dei resterande tremannslaga.
I 1980 vart Wassberg tildelt Svenska Dagbladets gullmedalje for sitt OL-gull på 15 km, men nekta å ta imot prisen i protest mot at ein annan skiløpar, Sven-Åke Lundbäck, ikkje hadde fått medaljen då han stod for same prestasjonen under vinter-OL 1972. Tidlegare same året fekk han Holmenkollmedaljen.
Bakgrunnsstoff
Wassbergs profil på Sports-reference.com
Kjelder Denne artikkelen bygger på «Thomas Wassberg» frå , den 16. juli 2012.
Kategori:Svenske langrennsløparar Kategori:Verdsmeistrar i langrenn Kategori:Vinnarar av Holmenkollmedaljen Kategori:Olympiske medaljevinnarar i langrenn Kategori:Olympiske meistrar for Sverige Kategori:Svenske deltakarar under vinter-OL 1976 Kategori:Langrennsløparar under vinter-OL 1976 Kategori:Medaljevinnarar under vinter-OL 1980 Kategori:Svenske deltakarar under vinter-OL 1980 Kategori:Langrennsløparar under vinter-OL 1980 Kategori:Medaljevinnarar under vinter-OL 1984 Kategori:Svenske deltakarar under vinter-OL 1984 Kategori:Langrennsløparar under vinter-OL 1984 Kategori:Medaljevinnarar under vinter-OL 1988 Kategori:Svenske deltakarar under vinter-OL 1988 Kategori:Langrennsløparar under vinter-OL 1988