Kari Mette Johansen () er ein norsk handballspelar og lærar frå Fredrikstad. Ho er sidan 1999 kantspelar for Larvik HK, og vart europacupmeister med klubben i 2008 og seriemeister i 13 år på rad, 2000-12. Johansen har i perioden 2004-11 vunne fire EM-gull, to OL-gull og eitt VM-gull med Noregs handballandslag. Mellom 2004 og august 2012 har ho spela 203 landskampar og skåra 493 landslagsmål.
Aktiv Johansen spela i unge år på Skjeberg SK og fram til 1999 for Lisleby HK. Ho debuterte på Noregs kvinnelandslag 26. mars 2004 og har seinare hatt fast plass i landslagstroppa, og spela alle meisterskapsturneringane Noreg har vore med i. Desse åra vann ho EM-gull i 2006, VM-sølv i 2007, både OL- og EM-gull i 2008, VM-bronse i 2009, det fjerde rake EM-gullet i 2010, sitt fyrste VM-gull i 2011 og sitt andre OL-gull i 2012.
Ho imponerte aller mest under europameisterskapen 2006, då ho skåra ni mål på ni forsøk i finalekampen mot Russland og vart teken ut på det såkalla allstar-laget i turneringa.
Merittar landslag EM 2000: Nr 6 med Noreg EM 2004: Gullmedalje etter 27–25 mot Danmark VM 2005: Nr 9 med Noreg EM 2006: Gullmedalje etter 27–24 mot Russland VM 2007: Sølvmedalje etter 24–29 mot Russland OL 2008 i Beijing: Gull etter norsk siger 34-27 over Russland EM 2008: Gullmedalje etter 34–21 mot Spania VM 2009: Bronsemedalje etter 26–21 mot Spania EM 2010: Gullmedalje etter 25–20 mot Sverige VM 2011: Gullmedalje etter 32–24 mot Frankrike OL 2012: Gullmedalje etter 26–23 over Montenegro
Kjelder Denne artikkelen bygger på «Kari Mette Johansen» frå , den 23. juli 2012.
Bakgrunnsstoff Handballforbundet si landskampoversikt
Kategori:Norske handballspelarar Kategori:Verdsmeistrar i handball Kategori:Europameistrar i handball Kategori:Olympiske medaljevinnarar i handball Kategori:Olympiske meistrar for Noreg Kategori:Medaljevinnarar under sommar-OL 2008 Kategori:Norske deltakarar under sommar-OL 2008 Kategori:Handballspelarar under sommar-OL 2008 Kategori:Medaljevinnarar under sommar-OL 2012 Kategori:Norske deltakarar under sommar-OL 2012 Kategori:Handballspelarar under sommar-OL 2012 Kategori:Spelarar i Handball-EM 2000 for kvinner Kategori:Spelarar i Handball-EM 2004 for kvinner Kategori:Spelarar i Handball-EM 2006 for kvinner Kategori:Spelarar i Handball-EM 2008 for kvinner Kategori:Spelarar i Handball-EM 2010 for kvinner Kategori:Spelarar i Handball-VM 2005 for kvinner Kategori:Spelarar i Handball-VM 2007 for kvinner Kategori:Spelarar i Handball-VM 2009 for kvinner Kategori:Spelarar i Handball-VM 2011 for kvinner Kategori:Folk frå Fredrikstad