Snøfrisk er ein fersk kremost laga av pasteurisert geitemjølk og kufløyte av det norske meierisamvirket TINE. Osten vart utvikla ved Sunnmøre Meieri fyrst på 1990-talet og lansert til OL på Lillehammer i 1994. Han vert produsert ved TINE Meieriet Vest Ørsta og inneheld 80% geitemjølk og 20% kufløyte. Osten vert seld i daglegvarehandelen i låge trekanta plastbeger som tek 125 gram. TINE produserer osten også i kuvertpakningar og spann for storhushaldningar.
I tillegg til den naturelle utgåva av Snøfrisk vert osten seld i variantar smaksett med pepar, dill og raudløk og timian. Tidlegare har det også vore produsert variantar med einebær, peparrot og skogsopp. TINE marknadsførte tidlegare Snøfrisk særleg for bruk i matlaginga, t.d. som smakshevar i sausar til vilt, medan fokus no er flytta meir over på Snøfrisk som pålegg.
Snøfrisk inneheld 25 prosent feitt og er frisk og syrleg med klår, men likevel runda geitemjølksmak.
Tine har i seinare år også byrja produsere ein fast skorpeost av geitemjølk kalla Snøfrisk hvitost.
Referansar
Bakgrunnsstoff Om Snøfrisk på nettstaden til TINE
Kategori:Norske ostar Kategori:Kremostar Kategori:Geitostar